Թաթարստանում խոզի մսի պատճառով հարձակման է ենթարկվել հայկական ռեստորանը

Ռուսաստանի կազմում գտնվող Թաթարստանի Նաբերեժնի Չելնի քաղաքում հարձակման է ենթարկվել հայկական ռեստորանը: Մի խումբ երիտասարդներ ներս են խուժել եւ սկսել կրակել օդամղիչ հրացանով եւ ավերել ինչ պատահել է: kazanfirst.ru-ն հայտնում է, որ տուժել է հաստատության հայ խոհարարը, որը մի քանի մատ է կորցրել հանցագործների գործողության արդյունքում:

Հարձակումն արձանագրվել է տեսախցիկների կողմից: Արդեն կան մի քանի ձերբակալվածներ, որոնցից մեկը պնդել է, թե իրենց զայրացրել է այն, որ խոհարարը հավի շաուրմայի փոխարեն պատրաստել է խոզի մսից շաուրմա: 

Իբր, այս փաստը շատ է զայրացրել այցելուին եւ նա մի քանի օր անց որոշել է վրեժ լուծել, չհանդուրժելով վիրավորանքը:

Top-News.am