«Ռուսաստանը շահագրգռված չէ Անդրկովկասում լարվածության սրմամբ». Շոյգուն՝ Ադրբեջանի պաշտպանության նախարարին
Ռուսաստանը շահագրգռված չէ Անդրկովկասում լարվածության սրմամբ և նրա գործողություններն ուղղված չեն երրորդ երկրների դեմ այդ տարածաշրջանում: ТАСС գործակալության փոխանցմամբ՝ այս մասին հայտարարել է ՌԴ պաշտպանության նախարար Սերգեյ Շոյգուն ադրբեջանցի պաշտոնակից Զաքիր Հասանովի հետ հանդիպմանը:
«Գիտենք և անհանգստությամբ հետևում ենք այն իրադարձություններին, որոնք տեղի են ունենում Հայաստանի հետ սահմանին: Տեղյակ ենք նաև այն մտահոգություններից, որոնք առկա են կապված մեր ռազմաբազա իրականացվող թռիչքների հետ կապված: Ցանկանում եմ միանգամից ասել, որ մեր գործողությունները երբեք ուղղված չեն եղել և հիմա էլ ուղղված չեն Ադրբեջանի՝ մեր հարևանի և գործընկերոջ դեմ: Ռուսաստանը շահագրգռված չէ Անդրկովկասում իրավիճակի սրմամբ»,- ասել է Շոյգուն:
Նրա խոսքով՝ Ռուսաստանը Հայաստանում գտնվող իր ռազմաբազայում սոցիալական կառույցների շինարարություն է կատարում: «Դրանով է պայմանավորված որոշակի ակտիվությունը: Եվ երկրորդ մասը զորակոչի խնդիրն է. ինչ-որ մեկին պետք է տուն վերադարձնել, մյուսինը՝ ընդհակառակը»,- ընդգծել է ռուս նախարարը:
Վերջինս տեղեկացրել է, որ Ռուսաստանն ու Ադրբեջանն այս կամ հաջորդ տարի կվերադառնան համագործակցության նախկին տեմպերին, որոնք նվազել էին կորոնավիրուսի համավարակի պատճառով:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գայի պողոտայում գտնվող առևտրի կենտրոններից մեկում հրդեհ է բռնկվել
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Խամենեիի գտնվելու վայրը գաղտնի է պահվում՝ անվտանգությունից ելնելով
Գազամատակարարման վթարային դադարեցում Երևանի մի շարք հասցեներում
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը