TikTok-ի սեփականատերերը դատի կտան ԱՄՆ վարչակազմին
TikTok հավելվածի սեփականատեր չինական Bytedance ընկերությունը հայտնել է, որ դատի կտա ԱՄՆ նախագահի վարչակազմին, գրում է CNN-ը։
«Օրենքի գերակայությունը, ընկերության և նրա օգտատերերի նկատմամբ արդարացի վերաբերմունքը ապահովելու համար մենք դատարանի միջոցով կպաշտպանենք մեր իրավունքներն ու շահերը»,-ասված է ընկերության հայտարարության մեջ:
Հայտարարության մեջ նշվում է, որ վերջին մեկ տարվա ընթացքում ընկերությունն անկեղծորեն փորձել է կապ հաստատել ամերիկյան վարչակազմի հետ և լուծումներ առաջարկել ԱՄՆ-ի կողմից արտահայտված մտավախությունների կապակցությամբ: Սակայն Վաշինգտոնն անտեսել է փաստերը և չի հետևել իրավական կարգերին՝ ընդհուպ մինչև փորձելով միջամտել առևտրային բանակցություններին։
Հիշեցնենք, որ օգոստոսի 6-ին ԱՄՆ նախագահ Դոնալդ Թրամփը երկու գործադիր հրամանագրեր է ստորագրել, որոնք արգելում են ցանկացած գործարք իրականացնել TikTok հավելվածի սեփականատիրոջ՝ ByteDance ընկերության և Wechat սոցցանցի սեփականատիրոջ՝ Tencent ընկերության հետ: Երկու նախագծերն էլ մշակվել են չինական ընկերությունների կողմից։
Վաշինգտոնում կարծում են, որ հավելվածները «սպառնում են ԱՄՆ ազգային անվտանգությանը, արտաքին քաղաքականությանը և տնտեսությանը»։
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Թուրքիան բարձրացրել է Բոսֆորով և Դարդանելով տարանցման արժեքը
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Փողաբաժանությունը ինքնաբուխ չի․ դա համակարգված, վերևից ներքև իջնող մեխանիզմ է
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան
Կասեցվել է «Օքսիջեն»-ի հացի թխման արտադրամասի գործունեությունը
Հարավային Աֆրիկայում բողոքի ցույցեր են միգրանտների դեմ