Բավարիան պատմության առաջին թիմն է, որը 8 գոլ է խփում ՉԼ-ի փլեյ-օֆֆի մեկ խաղում

«Բավարիան» 8 գոլ խփեց «Բարսելոնային» Չեմպիոնների լիգայի քառորդ եզրափակչի խաղում ու դարձավ պատմության առաջին թիմը, որին հաջողվել է այսքան գոլ խփել ՉԼ-ի փլեյ-օֆֆ փուլի մեկ խաղում:

Հանդիպման հաշիվը բացվեց արդեն 4-րդ րոպեին. Թոմաս Մյուլերը գրավեց կատալոնացիների դարպասն ու առաջ մղեց մյունխենցիներին: 3 րոպե անց Դավիդ Ալաբան, անհաջող փորձելով հեռացնել գնդակը տուգանայինից, այն ուղարկեց սեփական դարպասը:

21-ից 31-րդ րոպեներին մյունխենցիները ևս 3 գնդակ ուղակեցին «Բարսելոնայի» դարպասը. Իվան Պերիշիչը, Սերժ Գնաբրին և Մյուլերը դարձան գոլերի հեղինակ, վերջինս դուբլ ձևակերպեց ու թիմերն ընդմիջման գնացին 4-1 հաշվի պայմաններում:

Երկրորդ կեսը «Բարսելոնան» ավելի ակտիվ սկսեց ու կարողացավ մեկ գնդակ ետ բերել: Աչքի ընկավ Լուիս Սուարեսը, սակայն դրանից հետո դարձյալ գոլ խփեց միայն «Բավարիան»: Տեր Շտեգենի դարպասը գրավեցին Ջոշուա Կիմիխը, Ռոբերտ Լևանդովսկին և Ֆիլիպե Կոուտինյոն, որը դուբլ ձևակերպեց: