Հիմա Բավարիան պարտավոր է ամուսնանալ Բարսելոնայի հետ

Պորտուգալիայում ընթացող ֆուտբոլի Չեմպիոնների լիգայի եզրափակիչ մրցաշարի մեկ քառորդ եզրափակիչում Մյունխենի Բավարիան վերցրեց եւ անամոթաբար ութ գնդակ անցկացրեց Բարսելոնայի դարպասը: Բավարացիները շատ դաշան չգտնվեցին եւ ինքնագոլ հեղինակեցին եւ մեկ անգամ, երբ հաշիվը 4:1 էր, թույլ տվեցին Սուարեսին գոլ խփել:

Բավարացիներից առաջին գոլը Լեւանդովսկիի փոխանցումից հետո խփեց Մյուլերը: Երկրորդ գոլի հեղինակ դարձավ Պերիշիչը: Հետո Գորեցկայի փոխանցումից հետո գոլ խփեց Գնաբրին, իսկ 31-րդ րոպեին Կիմիխի փոխանցումից հետո Մյուլերը խփեց իր երկրորդ գոլը եւ հաշիվը դարձրեց 4:1:

Կարգապահ գերմանացիները երկրորդ խաղակեսում ճշտությամբ կրկնեցին առաջին խաղակեսի սցենարը: Նա գոլ բաց թողեցին, իսկ հետո տաղանդաշատ 19-ամյա ֆուտբոլիստ Դեւիսի փոխանցումից հետո հինգերորդ գոլը խփեց Կիմիխը: Դեւիսը սովորական գոլային հեղինակ չդարձավ: նա գլուխգործոց արարեց. խաբս տվեց 4-5 կատալոնացիների եւ հասնելով դարպասի մոտ գնդակը ափսեի վրա դրած մատուցեց խաղընկերոջը: Այս գոլն, անկասկած, կմնա ֆուտբոլի պատմության մեջ:

82-րդ րոպեին նախկին բարսելոնցի Կոուտինիոն, որը խաղադաշտ էր մտել 75-րդ րոպեին գնդակը փոխանցեց Լեւանդովսկուն, որը գլխի հարվածով հաշիվը դարձրեց 6:2: Երեք րոպե անց արդեն Կոուտինիոն գոլ խփեց, ստանալով Մյուլերի փոխանցումը: Չորս րոպե անց կոուտինիոյին գոլային փոխանցում կատարեց Էրնանդեսը: 8:2, որից հետո, ինչպես ասվում է, Բավարիան պարտավոր է ամուսնանալ Բարսելոնայի հետ:

Top-News.am