Հրազդանի քաղաքապետի ազգականը «Մերսեդեսով» վրաերթի է ենթարկել հետիոտնին. Տուժածի վիճակը ծանր է
Կոտայքի մարզում, այսօր՝ հուլիսի 4-ին, վրաերթ է տեղի ունեցել. ժամը 11:00-ի սահմաններում Հրազդան քաղաքի Միկրոշրջան թաղամասի բնակիչ Սեւակ Դ.-ն Երեւան-Սեւան ավտոճանապարհի 19-րդ կմ հատվածում՝ Աբովյանի վարչական տարածքում, իր վարած Mercedes մակնիշի 40 DD 555 համարանիշի ավտոմեքենայով վրաերթի է ենթարկել փողոցը չթույլատրելի հատվածով անցնող 58-ամյա Գրիգոր Մ.-ին:
Shamshyan.com-ի փոխանցմամբ, վարորդը փախուստի չի դիմել , ահազանգել է շտապօգնություն, օգնել է վրաերթի ենթարկվածին տեղափոխել Աբովյան բժշկական կենտրոն, որից հետո դեպքի մասին ահազանգել է ոստիկանության օպերատիվ կառավարման կենտրոն:
Հիվանդանոցից հայտնել են, որ Գրիգոր Մ.-ն ծայրահեղ ծանր վիճակում իրենց մոտից տեղափոխվել է Երեւանի «Սուրբ Գրիգոր Լուսավորիչ» բժշկական կենտրոն:
Աղբյուրի տեղեկություններով, «Մերսեդեսի» վարորդը աշխատում է ոստիկանության Կոտայքի մարզային վարչությունում՝ որպես փորձաքրեագետ: Նա Հրազդանի քաղաքապետ Արամ Դանիելյանի հորեղբոր թոռն է:
Հիշեցնենք, որ հունիսի 8-ին Հրազդանի քաղաքապետ Արամ Դանիելյանի անչափահաս որդին՝ 17-ամյա Ռազմիկ Դանիելյանը, Nissan Teana մակնիշի 444 ԼԼ 70 համարանիշի ավտոմեքենայով Հրազդան քաղաքում վրաերթի էր ենթարկել 58-ամյա Վալերի Թորոսյանին, որը գիտակցության չգալով մահացել էր:
Վարորդը ավտոմեքենայի համարանիշերը մեքենայի վրայից հանել էր եւ դեպքի վայրից դիմել փախուստի: Ավելի ուշ նա ներկայացել էր ոստիկանություն եւ խոստովանել, որ ղեկին եղել է ինքը:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ