Մարգարեական երազը տղամարդուն միլիոնատեր է դարձրել
Ավստրալիայի Վիկտորիա նահանգի Մելբուռն քաղաքի արվարձանի բնակիչը պնդում է, որ մարգարեական երազն իրեն միլիոնատեր է դարձրել, հայտնում է Lenta-ն՝ վկայակոչելով The Lott կայքը:
Ավստրալացին գնել էր TattsLotto խաղարկության վիճակախաղի տոմս, որը պետք է տեղի ունենար շաբաթ՝ հունիսի 13-ին, եւ դրա մասին մոռացել էր: «Դա այնքան տարօրինակ էր,- պատմում է նա: - Կիրակի լույս գիշերը երազ տեսա, որ վիճակախաղում շահել եմ, իսկ դրամական մրցանակը ծախսել ընտանիքիս համար այգու բարեկարգման վրա»: Նա առավոտյան արթնանալով՝ երազը վերապատմել է կնոջը: Նա անմիջապես հարցրել է՝ ստուգե՞լ է արդյոք իր տոմսը: «Ես իսպառ մոռացել էի դրա մասին»,- շեշտել է նա:
«Ես հավելվածում նայեցի շահած համադրությունը եւ սկսեցի համեմատել իմ տոմսի հետ: Երբ տոմսի վրա 6-րդ թիվը նայեցի, մտածեցի, որ կարող էի սխալվել: Ես ստուգեցի, հետո նորից վերստուգեցի,- հիշում է նա: - Միայն այդ ժամանակ հասկացա, որ երազս մարգարեական էր»: Մրցանակի գումարը կազմել է 1,2 մլն ավստրալական դոլար:
Նա նշել է, որ ինչպես եւ երազում, անպայման կօգնի ընտանիքին այգու բարեկարգման գործում: «Ավելի լավ է հետեւեմ ծրագրին, որը երազում էի տեսել,- կատակել է հաջողակ ավստրալացին: - Ես մի փոքր գարեջուր եմ պաշարել, այնպես որ՝ հանգստյան օրերին կնշեմ այս իրադարձությունը: Իսկ երբ դրամական մրցանակը ստացվի իմ հաշվին, ես կրկին կտոնեմ»:
ՀՀ ԱԺ արտահերթ նստաշրջան - 02.07.2026
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Վենեսուելայի երկինքը կարմրել է երկրաշարժից հետո (տեսանյութ)
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
ԱՄՆ-ն Մերձավոր Արևելք է տեղափոխել F-16C կործանիչներ
Կասեցվել է «Օքսիջեն»-ի հացի թխման արտադրամասի գործունեությունը
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Ֆրանսիայում հրշեջները պայքարում են անտառային հրդեհների դեմ
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան