Ռեմբրանդտի ինքնանկարը աճուրդի է հանվել Sotheby's-ում 12-16 միլիոն ֆունտով

Հոլանդական գեղանկարչության ոսկե դարաշրջանի ամենախոշոր ներկայացուցիչ Ռեմբրանդտի (1606-1669) խիստ ինքնանկարն աճուրդի է հանվել Sotheby-ի անգլիական տանը 12-16 միլիոն ֆունտով:

Վարպետի աշխատանքը, ով իրեն պատկերել է 26 տարեկանում, ստեղծվել է նրա ստեղծագործության ամենաերջանիկ եւ ամենաբուռն տարիներին, երբ Ամստերդամ տեղափոխվելուց հետո նա անում էր հնարավոր ամեն ինչ՝ որպես պրոֆեսիոնալ նկարիչ հայտնի դառնալու համար, հայտնում է ՏԱՍՍ-ը՝ վկայակոչելով Financial Times-ը:

Ինքնանկարը, որը, Sotheby's-ի Հին վարպետների բաժնի ղեկավար Ջորջ Գորդոնի խոսքով, «նկարվել է զարմանալիորեն արագ», անսովոր խիստ ոճի մեջ է. կտավին սեւ գլխարկով եւ հագուստով մի երիտասարդ է: Ըստ մասնագետների՝ նկարիչը կարող էր օգտագործել այն որպես այցեքարտ՝ հարուստ հաճախորդներին իր հմտությունները ցույց տալու կամ տպավորություն թողնել այն կնոջ հարազատների վրա, ում հետ նա ամուսնանում է երկու տարի անց:

Աճուրդում չեն հրապարակել կտավի ներկայիս սեփականատիրոջ անունը՝ նշելով միայն, որ նա այն ձեռք էր բերել 2005 թվականին անձնական հավաքածուից:

Գրեթե ամբողջ 20-րդ դարի ընթացքում, երբ ինքնանկարը գտնվում էր վիկոնտ Քեմփդենի հավաքածուում, դրա հեղինակությունը Ռեմբրանդտին չէր վերագրվում: Գլուխգործոցի իրական ստեղծողին չգիտեին նաեւ Sotheby's-ի մասնագետները, ովքեր այն նախորդ անգամ վաճառել էին 1970 թվականին: Դա հնարավոր եղավ պարզել միայն 90-ականների կեսերին:

Աճուրդը կանցկացվի հուլիսի 28-ին, իսկ մինչ այդ աճուրդի տունը, օգտվելով կորոնավիրուսի դեմ պայքարում միջոցառումների թուլացումից, աշխատանքը կներկայացնի Նյու Յորքում եւ Հոնկոնգում հավանական գնորդներին: