Կարանտինին չեն դիմացել. 18 տարվա ամուսնությունից հետո Ջուլիա Ռոբերտսը բաժանվում է ամուսնուց

Դերասանուհի Ջուլիա Ռոբերտսը բաժանվում է օպերատոր-բեմադրող Դենի Մոդերից։ Զույգը երեք երեխա ունի։ Ամուսինները դադարել են սոցիալական ցանցերում համատեղ լուսանկարներ ու տեսանյութեր հրապարակել՝ արհամարհելով նույնիսկ կարեւոր տոները։ Զույգի վերջին լուսանկարներն Instagram-ում հրապարակվել են մոտ մեկ տարի առաջ։

Ջուլիայի ընկերուհին, որը չի ցանկացել բացահայտել իր անունը, Woman’s Day պարբերականին հայտնել է, որ Դենին լուրջ խանդել է կնոջն ու նրա հետ կապված ավելորդ հսկողություն ցուցաբերել։ Իրավիճակը սրվել է կորոնավիրուսի համավարակի հետեւանքով մտցված կարանտինի պատճառով, ինչի արդյունքում զույգը ստիպված է եղել ամբողջ ազատ ժամանակ անցկացնել չորս պատերի ներքո։ Մթնոլորտը ծայրաստիճան շիկացել է։

Հատկանշական է, որ գրեթե բոլոր երեխաները մնացել են հոր հետ։ Ընտանիքում երեք երեխա կա։ Ավագ երկվորյակները՝ Հեզելն ու Ֆինուն 15 տարեկան են, իսկ կրտսերը՝ Հենրին՝ 12։ Առայժմ մոր հետ հեռացել է միայն Ֆիննը։