Թրամփի և Բայդենի շտաբների վրա հաքերային հարձակման փորձեր են եղել
Google ընկերությունն ԱՄՆ նախագահ Դոնալդ Թրամփի և այս տարվա նոյեմբերին կայանալիք նախագահական ընտրություններին նրա գլխավոր հակառակորդ Ջոզեֆ Բայդենի նախընտրական շտաբների համակարգչային համակարգերի վերահսկողությունը վերցնելու ուղղությամբ հաքերային փորձեր է ֆիքսել: Այս մասին իր թվիթերյան էջում գրել է Google ընկերության կիբերանվտանգության բաժնի ղեկավար Շեյն Հանթլին:
Նրա խոսքով՝ Բայդենի շտաբի վրա հաքերային հարձակումները կատարվել են Չինաստանից, իսկ Թրամփի շտաբի վրա` Իրանից: Հաքերները կարող են կապ ունենալ իրենց երկրների ղեկավարության հետ:
Google-ում վստահեցնում են, որ հաքերների հաջողության հասնելու մասին ոչ մի վկայություն չկա: Միևնույն ժամանակ Հանթլին շտաբներին մի քանի կարգադրություններ է տվել, թե ինչպես պետք է վարվել նմանատիպ իրավիճակներում:
«Եթե դուք քարոզչությամբ եք զբաղվում, ձեր անձնական համարները կարող են կոտրվել: Օգտագործեք հնարավորինս լավ պաշտպանություն: Երկգործոն նույնականացումը կամ ուժեղացված անվտանգությունը իսկապես կարող են փոխել իրավիճակը»,-ասել է Հանթլին:
Նա տեղեկացրել է նաև, որ ընկերությունը հաքերային հարձակումների մասին տեղեկացրել է այն օգտատերերին, որոնց դա կարող էր վերաբերել, ինչպես նաև իրավապահ մարմիններին:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
ՀՅԴ-ն որոշում ունի․ որ ուժի հետ դաշինք կկազմի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
Ազատել եմ աշխատանքից ՊՆ այն աշխատակիցներին, որոնց զավակները այլ երկրի քաղաքացի են․ Պապիկյան