Հենրիխ Մխիթարյան. Մտածում եմ Հայաստանում ֆուտբոլի ակադեմիա հիմնելու մասին
Անգլիական «Մանչեսթեր Յունայթեդի» եւ Հայաստանի ազգային հավաքականի կիսապաշտպան Հենրիխ Մխիթարյանը ֆեյսբուքյան տեքստային ասուլիսում պատասխանել է երկրպագուների բազմաթիվ հարցերի:
«Ինձ համար բոլոր ժամանակների լավագույն խաղացողը Զիդանն է: Ինձ միշտ դուր է եկել նրա խաղը:
Ես միշտ սիրել եմ ֆուտբոլը, հայրս եղել է իմ ներշնչանքի աղբյուրն ինչպես ֆուտբոլում, այնպես էլ կյանքում:
Մտածում եմ Հայաստանում ֆուտբոլի ակադեմիա բացելու մասին եւ շատ կցանկանայի ապագայում հիմնել ակադեմիա, որպեսզի հայ մանուկներին փոխանցեմ մեծ ֆուտբոլի իմ փիլիսոփայությունը»:
Ֆեյսբուքի օգտատերերից մեկին հետաքրքրում է, թե որ խոհանոցն է նախընտրում Հենրիխ Մխիթարյանը: Նա սիրում է հայկական եւ իտալական խոհանոցը:
«Մանչեսթեր Յունայթեդում» շատ գեղեցիկ գոլեր եմ ունեցել: Ամենագեղեցիկը թերեւս «կարիճ հարվածն» էր: Բայց այս մրցաշրջանի ամենակարեւոր գոլն ինձ համար Եվրոպայի լիգայի եզրափակիչում խփածս գոլն է»:
Ապագային վերաբերող հարցերին Հենրիխ Մխիթարյանը ոչ հստակ պատասխաններ է տալիս: Օրինակ՝ օգտատերերից մեկին հետաքրքրում է, թե որտեղ եւ ինչպես է իրեն պատկերացնում հայ ֆուտբոլիստը 15 տարի անց.
«Ես դեռ չեմ մտածել, թե ինձ հետ ինչ կլինի տարիներ անց, դեռ չեմ մտածել կարիերայիս ավարտի մասին: Չգիտեմ, որտեղ կլինեմ այդքան ժամանակ անց: Կարծում եմ, դեռ երկար տարիներ կշարունակեմ խաղալ:
«Մանչեսթեր Յունայթեդում» ինձ զգում եմ ինչպես ընտանիքում: Իսկապես այս թիմը կարծես մի ընտանիք լինի: Բոլորը միմյանց սիրում են եւ հարգում»:
Երազանքների մասին.
«Իմ մեծ երազանքներից մեկը եղել է ՈւԵՖԱ-ի Եվրոպայի գավաթի նվաճումը եւ երազանքս իրականացավ: Այժմ ես երազում եմ բարձրացնել Չեմպիոնների լիգայի գավաթը»:
Հենրիխ Մխիթարյանը ոչ բոլոր հարցերին է պատասխանում: Օրինակ անվանի ֆւտբոլիստը շրջանցել է երկրպագուներից մեկի հարցը ֆուտբոլիստի կարիերան ավարտելուց հետո Հայաստանի ազգային հավաքականը գլխավորելու մասին:
Մխիթարյանը միայն ողջունել է երկրպագուին, անպատասխան թողնելով այդ հարցը:
Երկրպագուների կողմից ստեղծված #WhooaMkhitaryan երգը Հենրիխ Մխիթարյանին դուր է գալիս:
«Ինձ դուր է գալիս այդ երգը: Ինձ համար շատ հաճելի է, որ իմ երկրպագուները երգ են հորինել հատուկ ինձ համար: Երբ ես մարզադաշտում եմ եւ տրիբունաներից լսում եմ երգի վանկարկումները, այն ինձ մեծ հույզեր ու մոտիվացիա է տալիս: Անչափ հաճելի է»:
Թե մարդկային հատկանիշներից որն է Մխիթարյանին բարկացնում, ֆուտբոլիստի խոսքով՝ իրեն շատ դժվար է բարկացնել, քանի որ մշտապես փորձում է խաղաղ լինել:
Հենրիխ Մխիթարյանի ասուլիսը տեւեց մեկ ժամ: Մխիթարյանը պատասխանեց ոչ բոլոր հարցերին: Երկրպագուներն ուղղել էին 1000-ից ավել հարցեր եւ բարեմաղթանքներ: Անգլիական «Մանչեսթեր Յունայթեդի» եւ Հայաստանի ազգային հավաքականի կիսապաշտպանը հիմնականում արձանգանքել է ակումբի, իր թիմի եւ ֆուտբոլային երազանքներին հասնելու մասին հարցերին.
«Շնորհակալ եմ հարցերի համար: Ես փորձեցի պատասխանել որքան հնարավոր է շատ հարցերի: Շատ հաճելի էր շփումը բոլորիդ հետ: Ես իսկապես շատ շնորհակալ եմ բլորիդ աջակցության համար եւ ուրախ եմ, որ անհամբերությամբ սպասում եք իմ հաջորդ մրցաշրջանին»:
Ես «Հայփոստի» վերջին առնվազն 10 տարվա ամենացածր աշխատավարձ և պարգևատրում ստացած տնօրենն եմ. Հայկ Կոն...
Ակադեմիական քաղաքի տարածքում հայտնաբերվել է հնագույն բնակավայր
Ինչո՞ւ են տոներն ավարտվում հիվանդանոցով․ վերջին 1 ամսում ՀՀ-ում մի քանի զանգվածային թունավորում է գր...
Պատգամավորները 1 րոպե լռությամբ հարգեցին Սինջարի եզդիների ցեղասպանության զոհերի հիշատակը
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
Նիկոլ Փաշինյանը Վարչապետի աշխատակազմին է ներկայացրել նորանշանակ ղեկավար Լիլիթ Մակունցին
Ֆրանսիայում անտառային հրդեհների հետ կապված ձերբակալվել է 375 մարդ
Մեկնարկել են ՀՀ վարչապետի հովանու ներքո ուժային կառույցների միջև անցկացվող բանակային խաղերը
Երբ պետության համակրանքը չի դառնում փոխադարձ պարտավորություն․ Նասիմ Թալեբը` Բաքու չմեկնելու մասին
Հայտնաբերվել է 496 ոչ սթափ վարորդ․ պարեկների անցած շաբաթվա ծառայության արդյունքները