Ռոմայում Մխիթարյանի մնալու համար հետաքրքիր սցենար են մշակել

«Ռոման» ցանկանում է թիմում պահել կիսապաշտպան Հենրիխ Մխիթարյանին, ում իրավունքները պատկանում է Լոնդոնի «Արսենալին»։

Մխիթարյանի վարձակալության ժամկետն ավարտվում է առաջիկա ամռանը։ Il Tempo-ի փոխանցմամբ՝ «գայլերը» ցանկանում են ևս մեկ տարով երկարաձգել Մխիթարյանի վարձակալությունը։

«Ռոման» ցանկանում է առաջիկա օրերին այս առաջարկով դիմել «Արսենալին»։ Նոր վարձակալության պայմանագրի հիմնական դրույթը լինելու է այն, որ 2021-ին «Ռոման» պարտադիր գնելու է Մխիթարյանի տրանսֆերը։

Հաղորդվում է, որ իրադարձությունների նման զարգացման դեպքում Հայաստանի հավաքականի 31-ամյա ավագը կերկարաձգի պայմանագիրը «Արսենալի» հետ, որը նախատեսված է մինչև 2021 թվականը։

Ա սերիայի ընթացիկ մրցաշրջանում Մխիթարյանը մասնակցել է 13 հանդիպման, դարձել 6 գոլի և 3 գոլային փոխանցման հեղինակ։

Այս թեմայով Հենրիխ Մխիթարյանը գոլը «Ռոմայի» կազմում Մխիթարյանը՝ Ռայոլայի մասին․ Նա միշտ ձգտում է, որ իր խաղացողներն իրենց զգան երջանիկ Նոր խաղակոշիկներ վերադարձի համար. Հենրիխ Մխիթարյանը նոր լուսանկար է հրապարակել Ո՞ւմ նկարն է Հենրիխ Մխիթարյանի հեռախոսի էկրանին Եթե մի բանի հասնում ես դժվարությամբ, դա գին ունի. Հենրիխ Մխիթարյան