«Որտե՞ղ է Բորիս Ջոնսոնը». Մեծ Բրիտանիայի վարչապետը մայիսի 12-ից ի վեր մամուլի ասուլիսներ չի անցկացրել և հանրային միջոցառումների չի մասնակցել

Մեծ Բրիտանիայի վարչապետ Բորիս Ջոնսոնը մայիսի 12-ից ի վեր մամուլի ասուլիսներ չի անցկացրել և հանրային միջոցառումների չի մասնակցել, այս մասին հայտնում է Liverpool Echo-ն։

Աղբյուրը մանրամասնում է, որ վարչապետի բացակայությունը կարող է պայմանավորված լինել նրա ընտանեկան դրությամբ՝ նորածին որդու հետ ավելի շատ ժամանակ անցկացնելու ցանկությամբ։

Հիշեցնենք, որ վարչապետը հինգերորդ անգամ ապրիլի 29-ին է հայր դարձել։ Իսկ կորոնավիրուսով վարակվելուց հետո նա հազվադեպ է հանրությանը ներկայացել։

Նշվում է, որ մարդիկ Twitter սոցկայքում «Որտե՞ղ է Բորիս Ջոնսոնը» հեշթեգով հազարավոր թվիթերյան հրապարակումներ են անում և նրա բացակայության համար հնարավոր պատճառներ քննարկում։