Ձկներն ընկճախտի մեջ են ընկել կորոնավիրուսի պատճառով
Ավստրալացի ծովային կենսաբանները նկատել են, որ համավարակի ժամանակ խոշոր ձկնատեսակների տեղական որոշ ներկայացուցիչներ տառապում են մարդկանց հետ շփման պակասից, հայտնում է «Պոպուլյարնայա մեխանիկա»-ն՝ վկայակոչելով ABC News-ը:
«Շատ ձկներ սկսել են իրենց մի փոքր տարօրինակ պահել, նույնիսկ, կարելի է ասել, սկսել են թախծել»,- նշել է կենսաբան, Քերնս քաղաքի ակվարիումի աշխատակից Փոլ Բերնսը՝ պատմելով, թե ինչպես են ակվարիումի ձկներն արձագանքում այցելուների բացակայությանը կարանտինային սահմանափակումների պատճառով: Ըստ Բերնսի՝ այս «թախիծը» հատկապես ազդել է Չանգ անունով մեծ էփինեֆելուսի վրա. նա մի քանի օր է դադարել է ուտել եւ մինչեւ հիմա «ընկճված» վիճակում է:
«Շատերը չեն հասկանում, որ կենդանիները կարող են ակվարիումից դուրս նայել եւ տեսնել մարդկանց, եւ որ նրանք իսկապես հաճույք են ստանում շփումից»,- նշել է կենսաբանը:
Չանգին խոցած «թախիծի» նման մի բան է զգում նաեւ Ուոլի անունով նապոլեոն ձուկը, որը բնակվում է Քերնս շրջանի Մեծ խութում: Ուոլին նախկինում հազարավոր զբոսաշրջիկներ էր հավաքում եւ սոցիալական ցանցերի «աստղ» էր, բայց հիմ նրան լավագույն դեպքում այցելում են տեղական տուրիստական ոլորտի աշխատակիցներ, ովքեր համոզված են, որ ձկները մարդկանց կարիք ունեն:
Ջեյմս Քուքի համալսարանի ծովային կենսաբան Ռիչարդ Ֆիցպատրիկի խոսքով՝ ձկներն ամենեւին հիմար արարածներ չեն: Դրանց մեծ տեսակներից որոշները ընդունակ է սոցիալական կապեր ձեւավորելու մարդկանց հետ ինչպես անազատության, այնպես էլ վայրի բնության մեջ: «Նրանք գիտեն մարդկանց, ովքեր կերակրում են նրանց եւ տարբեր ձեւով են արձագանքում նրանց, ուստի ես համոզված եմ, որ հիմա նրանք չեն կարող հասկանալ, թե ինչու են մարդիկ դադարել այցելել խութ,- նշել է Ֆիցպատրիկը՝ հավելելով, որ խոսքը միայն սննդի մասին չէ:- Նապոլեոն ձկները շատ սոցիալական արարածներ են, եւ նրանք պարզապես սիրում են շփվել մարդկանց հետ»:
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
«Ուժեղ Հայաստան»-ը կվերցնի մանդատները և կգնա Ազգային ժողով
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կարծում եմ, որ այս հակամարտությունը կարող է լուծվել. Թրամփ
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...