ԱՀԿ-ի տապալումը շատ կյանքեր արժեցավ․ ԱՄՆ

ԱՄՆ-ը քննադատել է Առողջապահության համաշխարհային կազմակերպությանը՝ կորոնավիրուսի համավարակին նրա արձագանքի համար՝ հայտարարելով, որ կազմակերպությանը չի հաջողվել տեղեկատվություն ստանալ վիրուսի մասին, երբ աշխարհին այն անհրաժեշտ էր։ «Այդ տապալումը շատ կյանքեր արժեցավ»,- Առողջապահության համաշխարհային ասամբլեայի երկօրյա վիրտուալ հանդիպման առաջին օրը հայտարարել է առողջապահության եւ սոցիալական ծառայությունների նախարար Ալեքս Ազարը։

«Այդ բռնկումը թաքցնելու ակնհայտ փորձի ժամանակ առնվազն մեկ անդամ-պետություն խախտել է թափանցիկության իր պարտավորությունները, ինչը հանգեցրել է հսկայական կորուստների ամբողջ աշխարհի համար»,- ասել է Ազարը՝ ակնհայտորեն նկատի ունենալով Չինաստանին։ «Մենք տեսանք, որ ԱՀԿ-ն տապալվել է տեղեկատվության փոխանակման եւ թափանցիկության իր հիմնական առաքելության մեջ։ Դա երբեք չպետք է կրկնվի»,- հավելել է նա։