Աղանդավորները փորձել են հուղարկավորել ողջ մարդուն

Նիգերիայի Էբոնի նահանգում աղանդավորներն առևանգել են և փորձել հուղարկավորել կենդանի մարդուն: Այս մասին հայտնում է Լենտան՝ հղում անելով «The Punch»-ին:

Տուժողը՝ 20-ամյա Սանդեյ Օջինն է, ով պնդում է, որ հարձակվողները նրան շփոթել են թշնամական կուռքի հետ, ով սպանել է իրենց համակիրներից մեկին․ «Նրանք ինձ մոտոցիկլետներով դուրս բերեցին նահանգից և այնտեղ փոս փորեցին, ինձ գցեցին փոսի մեջ և հող լցրեցին իմ վրա»,-ասել է նա:

Աղանդավորները չեն հասցրել հուղարկավորել տղային տարածքում անցնող որսորդների պատճառով․ «Ես պառկած էի ներսում և շնչահեղձ էի լինում, գոռում էի, հետո նրանք լսեցին իմ ձայնը և փախուստի դիմեցին»,-ասել է Օջինը:

Հարձակումից հետո տղան հոսպիտալացվել է: Ոստիկանությունը ձերբակալել է 36 աղանդավորի, սակայն նրանց մեծ մասն ազատ է արձակվել ստուգումից հետո: