Իրանում Իսրայելին հակազդելու մասին օրենք են ընդունել
Իրանի խորհրդարանն Իսրայելին հակազդելու մասին օրենք է ընդունել, որը վիրտուալ դեսպանատան ստեղծում է ենթադրում Երուսաղեմում, հայտնում է «ՌԻԱ Նովոստի»-ն:
Երկուշաբթի օրը խորհրդարանի բաց նստաշրջանին պատգամավորները համաձայնեցին «սիոնիստական ռեժիմի թշնամական գործողություններին հակազդելու մասին» օրենքի բոլոր դրույթներին:
Պատգամավորները, ըստ իրանական լրատվամիջոցների, արտաքին գործերի նախարարությանը կարգադրել են Իրանի Իսլամական Հանրապետության վիրտուալ դեսպանատուն ստեղծել Երուսաղեմում՝ որպես Պաղեստինի մայրաքաղաք: Դրա համար գերատեսչությանը վեց ամիս է տրվում օրենքի վավերացման պահից:
Իրանի ԱԳՆ-ից պահանջվում է նաեւ «հանրաքվե» կազմակերպել Պաղեստինում (Իրանում կարծում են, որ դա կօգնի լուծել տարածաշրջանի խնդիրը):
Բացի այդ, հաստատված օրենքի դրույթները ենթադրում են արգելել իսրայելական ապրանքների տեղափոխումը Իրանի տարածքով, ինչպես նաեւ՝ Իսրայելի հետ կապ ունեցող ընկերությունների մասնակցությունը ցուցահանդեսներին: Խորհրդարանականները կառավարությանը պարտավորեցրել են աջակցել այլ պետություններին եւ ժողովուրդներին Երուսաղեմի «ազատագրման» գործում:
Պաղեստինցիներն Իսրայելի հետ խաղաղ գործընթացի շրջանակներում, որը ներկայումս դադարեցված է, պահանջում են, որպեսզի երկու ինքնիշխան պետությունների միջեւ ապագա սահմաններն անցնեն այն գծերով, որոնք կային մինչեւ 1967 թվականի եցօրյա պատերազմը՝ տարածքների փոխանակման հնարավորությամբ: Նրանք հույս ունեն իրենց պետությունը ստեղծել Հորդանան գետի Արեւմտյան ափին եւ Գազայի հատվածում, իսկ Արեւելյան Երուսաղեմը ցանկանում են դրա մայրաքաղաք դարձնել: Իսրայելը հրաժարվում է վերադառնալ 1967-ի սահմաններին եւ առավե եւս՝ կիսել Երուսաղեմն արաբների հետ, որն արդեն իր հավերժական եւ անբաժանելի մայրաքաղաք է հայտարարել:
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
«Ուժեղ Հայաստան»-ը կվերցնի մանդատները և կգնա Ազգային ժողով
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Կարծում եմ, որ այս հակամարտությունը կարող է լուծվել. Թրամփ
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...