COVID-19 համավարակի շրջանի լավագույն գյուտերը. (լուսանկարներ)
Ընթրիքներ «ջերմոցներում», մետրոյի կայարաններում նշումներ, ավտոսրահներում հարսանիքներ և գլխին պլաստիկ շշեր. ամենօրյա կյանքի մաս հանդիսացող նորարարություններն և հարմարությունները եվրոպացիներին օգնում են հաղթահարել համաճարակը:
Ընթրիք «ջերմոցում»
Ի վերջո, տանից դուրս գալու և ռեստորանում նստելու ցանկություն երկարատև կարանտինից հետո, անկասկած, շատերի մոտ է առաջանում: Ամստերդամի Mediamatic մշակութային կենտրոնում կարող եք ընթրել հինգ փոքրիկ «ջերմոցներում», որոնք լավ պաշտպանված են քամուց, եղանակից և այցելուների զանազան վիրուսներից: Պահանջարկը մեծ էր․ մինչև հունիսի վերջ բոլոր սեղանները պատվիրված են:
Ծովի մասին երազելիս
Լողափային հարմարավետ զամբյուղում նստելը և ալիքներին նայելը շատերի համար իդեալական փորձ են։ Հատկապես նրանց, ովքեր նախընտրում են Գերմանիայի Հյուսիսային ծովի ափերին արձակուրդն անցկացնել: Համաճարակի ժամանակ այս տեսակի կահույքն ավելի ու ավելի են գնում պատշգամբների և այգիների համար։ Ինչպես ասում են՝ եթե սիրելի ծովափին արձակուրդն անհնար է, ապա ծովափնյա աթոռը կարող է տեղափոխվել տուն:
Վարսահարդարման սրահների նոր կանոններ
Վեց շաբաթ տևած դադարից հետո Էսսենցի այս վարսահարդարը սպասարկում է առաջին հաճախորդին: Ամեն ինչ մի փոքր այլ է թվում, քան նախկինում. վարպետը դիմակով է, լվացարանների միջև միջնապատեր են, իսկ սպասող այցելուների համար սուրճը դեռ տաբու է: Բայց, ամենայն հավանականությամբ, հաճախորդներին չեն անհանգստացնում նոր կանոնները. շատ վարսավիրանոցներում առաջիկա շաբաթների ընթացքում ազատ տեղեր չկան:
Բոլոնյեզի ցայտերից պաշտպանություն
Թափանցիկ այս միջնապատերը տեղադրված են Միլանի Gaga Café ռեստորանում: Դրանք առանձնացնում են ինչպես սեղանի շուրջ նստած հյուրերին, այնպես էլ սեղանները և քայլուղիները:
Այս նախազգուշացնող միջոցները պետք է նվազեցնեն կորոնավիրուսային վարակի վտանգը: Բայց դեռ պետք է դիմակներ կրել` գոնե մինչև խմել կամ ուտել սկսելը:
Իտալիայում համավարակից խիստ տուժած կյանքը աստիճանաբար վերադառնում է բնականոն հուն:
Գերմանիայում առաջին ավտոկինոթատրոնում տեղի ունեցած հարսանիքը
Ո՞վ ասաց, որ հարսանիքները համավարակի ընթացքում պետք է տեղի ունենան առանց հյուրերի: Այս երիտասարդ զույգը համարձակվել է տոնել ամուսնությունը Դյուսելդորֆի կինոթատրոնում: Հյուրերը արարողությանը հետևում էին ռադիոյով ՝ մնալով իրենց մեքենաներում, իսկ երբ նորապսակներն «այո» են աել՝ բարձր հնչեցրել են մեքենաների ազդանշանները։ Դա առաջին հարսանիքն էր Գերմանիայի ավտոսրահում, բայց, ըստ ամենայնի, էլի կլինեն:
«Սև կղզյակեր» գրասենյակներում
Ահա թե ինչպիսին կլինեն ապագայում կգրասենյակները․ հատակի սև շրջանակները ցույց են տալիս, թե որքան հեռավորություն պետք է պահպանել գործընկերոջից` առանց խախտելու 2 մետրի կանոնը:
Կյանքը շշի մեջ
Խիտ բնակեցված Հոնկոնգում, նրա որոշ բնակիչներ, իրենց գլխին դնելով նախապես կտրված պլաստիկ շիշը, լուծում են ոչ միայն «սոցիալական հեռավորության» խնդիրը, այլև դեմքի լիարժեք պաշտպանությունը պատահական ցայտերից: Թեև պաշտպանության այս մեթոդը այնքան էլ հարմար տեսք չունի, բայց գոնե էժան է:
Դռան տարօրինակ բռնակ
Հեռավորություն պահպանելը մի բան է, բոլորովին այլ բան է `զերծ մնալ տարբեր առարկաներ և մակերեսներ շոշափելիս վարակվելուց: Դա անելու համար շատերն օգտագործում են արմունկներն ու թևերը ՝ օգնելով իրենց, երբ մտնում են բժշկի գրասենյակ կամ հանրային զուգարան:
Լուսանկարում պատկերված է դուռը բացելու մեխանիզմը, ըստ նրա արտադրողների, պետք է լուծի խնդիրը բոլորի համար:
Փակ միզարաններ հանրային զուգարաններում
Դե, բոլոր նրանք, ովքեր հասել են հանրային զուգարան, առանց շոշափելու դռան բռնակը, պետք է հարմարվեն դրա պատշաճ օգտագործմանը `առանց խախտելու սոցիալական հեռավորության պահանջները: Այսպիսով, այցելուների անվտանգության համար Բրյուսելում գտնվող այս հանրային զուգարանում փակել են միզարանները:
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
«Ուժեղ Հայաստան»-ը կվերցնի մանդատները և կգնա Ազգային ժողով
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Կարծում եմ, որ այս հակամարտությունը կարող է լուծվել. Թրամփ
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...