Անժելա Սարգսյանը չի թողնում, որ մոռանան իր մասին
Դերասանուհի Անժելա Սարգսյանը, ով արդեն տեւական ժամանակ է, ինչ բնակվում է Լոս Անջելեսում, իր միկրոբլոգի հետեւորդներին հաճախ ցուցադրում է իր առօրյան, ժամանցը, ճամփորդությունները: Սոցցանցերում լինելով ակտիվ դերասանուհին չի դադարում ուրախացնել իր հետեւորդներին ու երկրպագուներին:
Instagram-յան էջում հրապարակված լուսանկարներում դերասանուհին ներկայացել է նոր իմիջով։ Կադրերում Անժելա Սարգսյանը կարճ վարսերով է, նախընտրել է նվազագույն շպար։ Դերասանուհին կրում է ծաղկավոր զգեստ, իսկ կերպարն ամբողջացնում է վզնոցը։
Օրեր առաջ Անժելա Սարգսյանը շնորհավորել էր հայրիկի ծննդյան օրը։ Դերասանուհին իր էջում արխիվային կադրեր էր հրապարակել, որոնք ուղեկցել էր հետեւությամբ մեկնաբանությամբ.
«Այսօր ինձ կյանք պարգեւած եւ այդ կյանքը պահպանած մարդու ծննդյան օրն է։ Հայրս ունի ընդհամենը 4-րդ դասարանի կրթություն (շատ վաղ տարիքից ստիպված է եղել աշխատել), բայց՝ հզոր տրամաբանություն։ Ահավոր կարդացող մարդ, որ հայոց պատմության մասնագետների հետ կարող է, հավասարը հավասարի հետ, վիճել։ Մինչեւ դպրոց գնալս, կան գրքեր՝ Հովազաձորի գերիները, Մոբիդիկ...., իմ եւ քրոջս համար, հայրս է կարդացել (պառկում էինք իր թեւերի վրա, քնելուց առաջ)։ Դպրոցում ստիպում էր, որ գերազանց սովորենք, այնուհետեւ 4-րդ դասարանի կրթությամբ մարդը բարձրագույն կրթություն տվեց իր 3 երեխաներին։
Հիմա կասեք նորմալ է, բոլորն են էդպիսին։ Բայց իմ ՊԱՊԱՆ ԱՎԵԼԻ ՀԶՈՐ է, քան ցանկացած ԱԴԱԹ կամ ԹԱՍԻԲ։ Երբ իր աղջկա կյանքում դժբախտությունը ուղղորդվեց խայտառակությամբ, ինքը չպահեց իրեն շարքային հայ տղամարդու պես, մաքրելով իրեն խայտարակությունից՝ մերժելով կամ արհամարհելով իր զավակին (սա լավագույն դեպքում, ոմանք նույնիսկ սպանում են իրենց «պատվի» համար)։ Այլ կոտրված կյանքով աղջկան իր 5 տարեկան բալիկի հետ առավ իր թեւի տակ, պաշտպանեց, կերակրեց, վերականգնեց ու ամրացրեց ներսով, հետո թեւեր տվեց նոր թռիչքի։ Ինչի համար ամբողջ կյանքս շնորհակալ եմ իրենից ու Աստծուց։
Անհայրությունը սարսափելի խնդիր է մեր հասարակության մեջ։ Երեխաները որբանում են հորից, հատկապես աղջիկները (երեխայի ողնաշարը հայրն է)։ Այսօր ինչքան փշրված կյանքով մեծահասակներ կան, որոնց ողնաշարը կոտրված ա դեռ մանկուց։ Եւ ինչքան հիմար կանայք կան, որ իրենց երեխաներին օգտագործում են նախկին ամուսնուց վրեժ լուծելու համար՝ չհասկանալով, որ կոտրում են երեխայի պաշտպանվածության զգացողությունը (սա ուղղակի ներսիս կուտակվածից)։
Պապ ջան, շնորհավորում եմ քեզ առաջին հերթին ՄԱՐԴ եւ ՀԱՅՐ լինելու համար, թող օրհնված լինես երկար կյանքով եւ առողջությամբ։ Իսկ հետո էլ երկինքը ժառանգես մեծ պտուղներով»։
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ