Զելենսկին երկարաձգել է ռուսական սոցիալական ցանցերի դեմ սահմանված պատժամիջոցները

 Ուկրաինայի նախագահ Վլադիմիր Զելենսկին հաստատել է ռուսական սոցիալական ցանցերի և ինտերնետ-ծառայությունների դեմ սահմանված պատժամիջոցները: Այս մասին հայտնում է Кп.ру-ն՝ հղում տալով ուրբաթ գիշեր պետության ղեկավարի հրապարակած հրամանին:

3 տարվա արգելքի տակ են հայտնվել «Mail.ru», «ВКонтакте», «Одноклассники» ծառայությունները:

Հիշեցնենք, որ Ուկրաինայում 2017-ի մայիսի 15-ին գործող նախագահ Պյոտր Պորոշենկոն հաստատել էր 1228 ֆիզիկական և 468 իրավաբանական անձանց նկատմամբ պատժամիջոցների ցանկի ընդլայնման մասին երկրի Պաշտպանության և ազգային անվտանգության խորհրդի որոշումը:

Այդ ժամանակ պատժամիջոցների տակ էին հայտնվել Պետդումայի պատգամավորներ, լրագրողներ, դատավորներ, ինչպես նաև «ВКонтакте», «Одноклассники», «Mail.ru», «Яндекс», «Яндекс.Украина» ծառայությունները:

Համաձայն փաստաթղթի՝ պրովայդերները պետք է արգելեն օգտատերերին այս ռեսուրսներին հասանելիություն տրամադրել: