ՄԱԿ-ը ողջունել է Հայաստանի «ըմբռնումով մոտեցումը» Սիրիայից փախստականների նկատմամբ
Միացյալ ազգերի կազմակերպության փախստականների հարցերով գործակալությունը (UNHCR) ողջունել է Հայաստանի կառավարության, ինչպես նաև բնակչության ըմբռնումով մոտեցումը սիրիական հակամարտության հետևանքով Հայաստան եկածների նկատմամբ:
Ինչպես նշում է Asbarez-ը, ըստ պաշտոնական տվյալների՝ սիրիական հակամարտության սկսվելուց առ այսօր Հայաստանը մոտ 22.000 մարդ է ընդունել, մեծ մասը՝ սիրիահայ: Նրանց մի մասը տեղափոխվել է այլ երկրներ. Հայաստանում է մնացել 15.000-ը:
«Սպասարկման բարձր մակարդակը, ջանասիրությունն ու աշխատանքի որակը հնարավորություն են տվել տեղահանված գործարարներին ու սովորական աշխատողներին թարմ շունչ հաղորդել Հայաստանի տնտեսությանը, հասարակությանն ու նպաստել դրանց զարգացմանը»,- նշել է ՄԱԿ-ի փախստականների հարցերով բարձր հանձնակատարի հայաստանյան ներկայացուցիչ Քրիստոֆ Բիերվիթը:
Պաշտոնյան ընդգծել է, որ անկախ առկա առաջընթացից՝ սիրիահայերի ինտեգրման հարցում դեռևս շատ անելիքներ կան:
Բիերվիթի խոսքով՝ առավել ուշադրության կարիք ունեն այն փախստականների ընտանիքները, որտեղ կան տարեցներ, ուսանողներ ու հաշմանդամներ: Պաշտոնյան հավելել է, որ հիմնական խնդիրները, որոնց Սիրիայից գաղթածները բախվում են Հայաստանում, աշխատատեղերի սակավությունն ու ցածր աշխատավարձն են:
«Հարյուր երկու տարի առաջ, երբ տեղի ունեցան սարսափելի ու ողբերգական դեպքերը, բազմաթիվ հայեր գոյատևեցին տարբեր երկրներում ապաստան գտնելու շնորհիվ: Ապաստան տրամադրելու գաղափարը կարևոր նշանակություն ունի հայ հասարակության համար: Հավաքական հիշողությունն ու անցյալի դառը փորձը պետք է ճիշտ ուղղորդիչներ լինեն փախստականներին վերաբերող այսօրվա մարտահրավերների առաջ»,-նշել է պաշտոնյան:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ