Օմսկի շրջանում դաժանաբար սպանել են Հայրենական մեծ պատերազմի 96-ամյա վետերանին
Ռուսաստանի Օմսկի մարզի Տեվրիզ գյուղում խոհանոցային դանակով սպանել են Հայրենական մեծ պատերազմի 96-ամյա վերետանին, բերման ենթարկված կասկածյալը տեղի բնակիչ է, հաղորդում է ՌԻԱ Նովոստի-ն՝ հղում անելով ՌԴ Քննչական կոմիտեի կայքում հրապարակված տեղեկատվությանը։
«Թեւրիզ գյուղում բարեկամները հայտնաբերել են բռնության հետեւանքով մահվան նախանշաններով 96-ամյա տղամարդու դին։ Օմսկի շրջանում Ռուսաստանի քննչական մարմինները փաստի առթիվ քրեական գործ են հարուցել, կասկածյալը բերման է ենթարկվել, որը տեղի 65-ամյա բնակիչ է»,-ասվումէ հաղորդագրության մեջ։
Քննության վարկածով՝ մայիսի 6-ի երեկոյան կասկածյալը հյուր է եկել անծանոթ վետերանի տուն։ Անձնական հակակրանքի պատճառով տղամարդիկ վիճել են, եւ կասկածյալը վետերանի կրծքի շրջանում խոհանոցային դանակով մի քանի հարված է հասցրել։ Կենսաթոշակառուն տեղում մահացել է, իսկ կասկածյալը՝ փախուստի դիմել։
Այժմ քննիչները պարզում են տեղի ունեցածի պատճառները, առգրավվել են իրեղեն ապացույցները, նշանակվել են անհրաժեշտ փորձաքննություններ։
«Այսօր դատարանի կողմից ընտրվել է կալանքը՝ որպես կասկածյալի խափանման միջոց։ Քրեական գործի հետաքննությունը շարունակվում է»,-ասվում է հաղորդագրության մեջ։
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
«Ուժեղ Հայաստան»-ը կվերցնի մանդատները և կգնա Ազգային ժողով
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կարծում եմ, որ այս հակամարտությունը կարող է լուծվել. Թրամփ
Շատ եմ ցանկանում, որ չեմպիոն դառնա ֆուտբոլ խաղացող հավաքականը