ԱՄՆ-ի եւ Չինաստանի միջեւ լարվածության աճը, որը խորացել է համավարակի պատճառով, նոր «սառը պատերազմի» սկիզբ է
ԱՄՆ-ի եւ Չինաստանի միջեւ լարվածության աճը, որը խորացել է կորոնավիրուսի համավարակի պատճառով, նոր «սառը պատերազմի» սկիզբ է, հայտարարել է առեւտրի հարցերով Սպիտակ տան նախկին գլխավոր բանակցող Քլիտ Վիլեմսը։
«Իրականությունն այնպիսին է, որ Միացյալ Նահանգների եւ Չինաստանի հարաբերություններում լարվածությունը ներկայում զգալիորեն աճում է»,- CNBC-ին տված հարցազրույցում ասել է Վիլեմսը։ «Ես կարծում եմ, որ մենք պետք է ազնիվ լինենք եւ մեր բառերով դա անվանենք․․․ Սա նոր «սառը պատերազմի» սկիզբ է, եւ եթե մենք զգույշ չլինենք, ամեն ինչ շատ–շատ վատ կլինի»,- հավելել է նա։
Վաշինգտոնի եւ Պեկինի միջեւ վերջին վեճերից մեկը կորոնավիրուսի ծագման հարցն է։
Վիրուսն առաջին անգամ հայտնվել է չինական Ուհան քաղաքում, այնուհետեւ տարածվել է ամբողջ աշխարհում։ ԱՄՆ-ում քննադատները հաստատում են, որ Պեկինը ազնիվ չի եղել՝ խոսելով վիրուսի վտանգների մասին, շատ դանդաղ է արձագանքել եւ ոչ բավարար է տեղեկացրել բռնկման չափերի ու դրա սահմանների մասին։
Անցյալ շաբաթ նախագահ Դոնալդ Թրամփն ասել էր, թե կարծում է, որ Չինաստանի «սխալը» գլոբալ համավարակի պատճառ է դարձել, իսկ պետքարտուղար Մայք Պոմպեոն հայտարարել էր «զգալի թվով ապացույցների» մասին այն բանի վերաբերյալ, որ վիրուսն առաջացել է Ուհանի լաբորատորիայում։ Չինաստանը հերքել է բոլոր այդ պնդումները։
Նույնիսկ ԱՄՆ-ում հայտարարություններ են եղել այն մասին, որ Չինաստանի դեմ Թրամփի վարչակազմի հռետորաբանությունն ուժեղացել է համավարակի ժամանակ, քանի որ նախագահին պետք էր մեղավոր գտնել, հայտարարել է Վիլեմսը։
ԱՄՆ-ը եւ Չինաստանը վերջին երկու տարիներին առեւտրային պատերազմի մեջ էին մտել՝ ապարանքների ներկրման վրա տուրքեր սահմանելով։ Դա տեղի էր ունեցել այն բանից հետո, երբ Թրամփի վարչակազմը մեղադրել էր Չինաստանին իրենց մտավոր սեփականությունը գողանալու եւ պետական ձեռնարկությունների հանդեպ հովանավորչության մեջ։
Վիլեմսը, որը անցյալ տարի հեռացել էր Սպիտակ տանը իր պաշտոնից, ներգրավված էր Չինաստանի հետ ԱՄՆ-ի բանակցային խմբում։ Նա ասել է, որ տուրքերի բարձրացումը, որով սպառնում է Թրամփը, չի տալիս Չինաստանին վերաբերող շատ հարցերի պատասխանը։ Սակայն նա նշել է, որ ԱՄՆ-ը դիտարկում է այլ տարբերակներ, ինչպիսին է վիրուսի ծագման հետաքննությունը։
«Ես նրանցից չեմ, ով սակարկում է դավադրության տեսություններով, սակայն իրականությունն այն է, որ եթե նրանք թաքցնելու բան չունեն, ինչու են սպառնում վրեժխնդիր լինել Ավստրալիայից, ինչու են նրանք սպառնում վրեժխնդիր լինել ԵՄ-ից, ԱՄՆ-ից, որոնք պարզապես խոսում են հետաքննության անհրաժեշտության մասին»,- ասել է նա՝ հավելելով․ «Ես իսկապես կարծում եմ, որ Չինաստանի շահերից է բխում այդ ճնշումը մեղմացնելը եւ միջազգային հետաքննությանը մասնակցելը»։
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
Ես ուրախ եմ տեսնել հայ գերիների ազատ արձակումը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...