Գերմանիայի 36 ակումբներում կորոնավիրուսի 1724 թեստից 10-ը դրական է

Գերմանիայի ֆուտբոլային լիգան ավարտել է առաջին եւ երկրորդ բունդեսլիգաների ակումբների ներկայացուցիչների կորոնավիրուսային թեստավորման առաջին փուլը, հայտնում է կազմակերպության պաշտոնական կայքը։

36 ակումբներում թեստ է հանձնել 1724 ֆուտբոլիստ, մարզիչ եւ աշխատակից։ 10-ի մոտ ախտորոշվել է կորոնավիրուս։ Նրանք անմիջապես մեկուսացվել են։

Արդեն մեկնարկել է թեստավորման երկրորդ փուլը։ Գերմանական թիմերը վերսկսել են մարզումները մարզաբազաներում։ Ֆուտբոլիստներն առայժմ մարզվում են անհատական ծրագրերով։ Խմբային մարզումների մեկնարկից առաջ բոլորը դարձյալ կթեստավորվեն։ Մրցաշրջանի վերսկսումն ակնկալվում է հունիսին։