Թրամփը հայտնել է, որ մինչեւ հունվարի վերջը հետախուզությունն իրեն կորոնավիրուսի սպառնալիքի մասին չի նախազգուշացրել
Տեղեկություններն այն մասին, որ նոր կորոնավիրուսի վտանգավորության մասին ամերիկյան հետախուզության առաջին նախազգուշացումները ԱՄՆ նախագահ Դոնալդ Թրամփին են ուղարկվել դեռեւս հունվարի սկզբին, իրականությանը չեն համապատասխանում: ԱՄՆ առաջնորդն այս մասին կիրակի հայտնել է իր Twitter-յան էջում, փոխանցում է ՏԱՍՍ-ը:
«Հետախուզությունը հենց նոր է ինձ զեկուցել, որ ես ճիշտ էի: Նրանք կորոնավիրուսի թեման չեն բարձրացրել մինչեւ հունվարի վերջին օրերը, եւ դա եղել է անմիջապես այն բանից առաջ, երբ ես արգելեցի Չինաստանից ԱՄՆ մուտքը: Դրանից բացի, նրանք վիրուսի մասին իմիջիայլոց էին խոսում, որպես վտանգ չներկայացնող ինչ-որ բան»,- նշել է նա: «Ստախոս լրատվամիջոցները կրկին ամեն ինչ սխալ են հասկացել»,- հավելել է Թրամփը:
The Washington Post պարբերականն ավելի վաղ հայտնել էր, որ հետախուզությունը Թրամփին մի քանի անգամ զեկուցել է կորոնավիրուսի սպառնալիքի լուրջ բնույթի մասին, իսկ այդպիսի առաջին իրազեկումը ամերիկյան վարչակազմը ստացել է դեռեւս հունվարի 3-ին:
Ջոնս Հոփքինսի համալսարանի տեղեկություններով, որը հաշվարկները կատարում է դաշնային եւ տեղական իշխանությունների տեղեկությունների հիման վրա, ԱՄՆ-ում գրանցվել է կորոնավիրուսով վարակման ավելի քան 1,15 մլն դեպք, մահացել է 67 հազարից ավելի մարդ:
Մահացել է ՀՀ վաստակավոր արտիստ Արտաշես Ալեքսանյանը
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կարծում եմ, որ այս հակամարտությունը կարող է լուծվել. Թրամփ
Շատ եմ ցանկանում, որ չեմպիոն դառնա ֆուտբոլ խաղացող հավաքականը