Կադիրովն առաջարկել է ինքնամեկուսացման ռեժիմը խախտողներից վերցնել մեքենաները

Չեչնիայի ղեկավար Ռամզան Կադիրովն անհրաժեշտ է համարում խստացնել ինքնամեկուսացման ռեժիմը խախտող բնակիչների նկատմամբ կիրառվող պատժամիջոցները: Այս մասին գրում է kavkaz.mk.ru կայքը:

Կորոնավիրուսի դեմ պայքարի օպերատիվ շտաբի հերթական նիստում իր ելույթի ժամանակ Կադիրովն առաջարկել է ռեժիմը խախտողներից վերցնել մեքենաները կամ նրանց ներգրավել փողոցների մաքրության աշխատանքներում:

«Եթե խախտում են, ապա պետք է խստացնել քայլերը, վերցնել մեքենաները նրանցից, ովքեր աննպատակ վարում են, թող փողոցներն ավլեն, հիվանդանոցները մաքրեն, աշխատեն: Այն պատճառով, որ նրանք մեկ շաբաթ չեն կարողանում տանը նստել, մենք չենք կարող ռիսկի ենթարկել մարդկանց կյանքերը»,-հայտարարել է Չեչնիայի ղեկավարը:

Չեչնիայում վերջին օրվա ընթացքում գրանցվել է կորոնավիրուսով վարակման 19 նոր դեպք, դեպքերի ընդհանուր թիվը 504 է, մահացել է 7 մարդ:

Այս թեմայով Քադիրով. Գրոզնիում հրաձգություն կազմակերպած անձինք ժամանել են արտասահմանից Չեչնիայում հայտնել են Քադիրովի դիմակի օգտագործմամբ սադրանքի նախապատրաստման մասին Կադիրովի դուստրը Չեչնիայի մշակույթի նախարարի առաջին տեղակալ է նշանակվել «Զգաստ կանգնած»․ Կադիրովը պատմել է, թե ինչպես է խոսել Պուտինի հետ Կարծում էի, որ ինձ նոբելյան մրցանակ կտան ահաբեկչության դեմ պայքարի համար, իսկ ինձ ներառում են պատժամիջոցների ցուցակում