Չեխիայում երաշտ է սկսվել տեղումների պակասի պատճառով

Չեխիայում աղետալի երաշտ է սկսվել տեղումների պակասի և օրական միջին ջերմաստիճանի բարձրացման հետևանքով ստորգետնյա ջրերի գոլորշիացման պատճառով: Այս մասին տեղեկացնում է Xinhua գործակալությունը` հղում տալով Չեխիայի շրջակա միջավայրի նախարար Ռիչարդ Բրաբեցին:

«Այժմ հորատանցքերի 80%-ը գտնվում է չափավոր կամ լուրջ երաշտի պայմաններում, ինչը պայմանավորված է վերջին 6 տարիներին հավաքված պակասորդով և վերջին ձմռան ընթացքում շատ քիչ ձյան քանակով»,-հայտարարել է Բրաբեցը:

Նախարարը հավելել է, որ այս տարի երկրի ամբողջ տարածքում օդի ջերմաստիճանը միջինը 1 աստիճանով բարձր է նորմայից:

Քաղաքական գործչի խոսքով՝ պետությունը պատրաստ է շուրջ 240 միլիոն դոլար ներդնել ջրի պահպանմանն ուղղված ծրագրերում: