Պենտագոնը ՉԹՕ պատկերող տեսանյութեր է հրապարակել

Պենտագոնն իր կայքում տեսագրություններ է հրապարակել, որոնցում «չբացահայտված երևույթներ» են պատկերվել:

Ինչպես փոխանցում է РИА Новости-ն, գերատեսչության տվյալներով՝ տեսանյութերից մեկը նկարահանվել է 2004թ. սեպտեմբերին, մյուսները՝ 2015-ի հունվարին: Այս տեսանյութերը 2007-2017թթ. համացանցում էի հայտնվել առանց Պենտագոնի թույլտվության, սակայն դրանց իսկությունը հաստատվել է ռազմածովային ուժերի կողմից:

«Պաշտպանության նախարարությունը հրապարակում է այս տեսանյութերը՝ պարզաբանելու համար հասարակության սխալ պատկերացումներն այն մասին, թե արդյոք իրական էին տարածված տեսակադրերը, թե ոչ: Տեսանյութերում երևացող օդային երևույթները բնութագրվում են, որպես «չբացահայտված»»,- ասվում է Պենտագոնի հայտարարության մեջ:

Ռազմական ինքնաթիռներից պատկերված կադրերում որոշ թռչող օբյեկտներ են նկատվում, որոնք արտաքին տեսքով նման չեն ո՛չ ինքնաթիռի, ո՛չ ուղղաթիռի: