Կուդրին. «Կորոնավիրուսի համաճարակի պատճառով առնվազն վեց միլիոն ռուսաստանցիներ կարող են գործազուրկ դառնալ»

Ռուսաստանի Հաշվիչ պալատի նախագահ Ալեքսեյ Կուդրինի կանխատեսմամբ՝ կորոնավիրուսի համաճարակի հետևանքով ծագած տնտեսական ճգնաժամի պատճառով երկրում գործազրկության մակարդակը կարող է հասնել 7-8 տոկոսի:

«Իրադարձությունների զարգացման վատթարագույն սցենարի դեպքում գործազրկությունը կարող է հասնել անգամ 10 տոկոսի: Այդ դեպքում աշխատատեղի կորստի կարող են բախվել 6-9 միլիոն ռուսաստանցիներ», - «Կոմերսանտ»-ին տված հարցազրույցում ասել է Կուդրինը:

Հաշվիչ պալատի նախագահի կարծիքով՝ Ռուսաստանը 2020 թվականը կփակի 6-8 տոկոսի տնտեսական անկմամբ: