Կորոնավիրուսի թեսթ անցկացնելու համար երիտասարդ կնոջը մերկացրել են

Տարօրինակ դեպք է տեղի ունեցել Իժեւսկում: Երեք երիտասարդ, հանդերձավորված հատուկ հերմետիկ հագուստներով, թակել են Իժեւսկի բնակչուհիներից մեկի դուռը, ներկայացել որպես համաճարակաբաններ, պնդել, որ կորոնավիրուսային թեսթ են անցկացնում եւ մտել բնակարան:

Այնուհետեւ նրանք 27-ամյա բնակչուհուն եւ նրա 32-ամյա ամուսնուն հրահանգել են ամբողջովին մերկանալ, որից հետո նրանց առանձնացրել են տարբեր սենյակներում, պատճառաբանելով, թե կարգն այդպիսին է եւ իբր ստուգել են նրանց առողջական վիճակը:

«Մասնագետները» երիտասարդ կնոջը մանրակրկիտ ստուգելուց եւի լուսանկարելուց հետո հետո հայտարարել են, որ նա առողջ է եւ կարող է հագնվել: Ամուսինները հասկացել են, որ իրենց խաբել են, երբ կինն ամուսնուն պատմել է, թե ինչպես են իրեն ստուգել, իսկ ամուսինն ասել է, թե իրեն փակել են սենյակում, ասելով, թե շուտով կմոտենան, բայց այդպես էլ ներս չեն մտել:

Ոստիկանները ջանքեր են թափում խուլիգաններին հայտնաբերելու համար:

Top-News.am