Հայաստանի կրթական հաստատություններում խորը ճգնաժամ է տիրում. Սվիտալսկի
Հայաստանի կրթական հաստատություններում խորը ճգնաժամ է տիրում։ Այս մասին հունիսի 15-ին հայտարարեց Երեւանում Եվրոպական միության պատվիրակության ղեկավար Պյոտր Սվիտալսկին։
Նրա խոսքով՝ դա ցույց է տվել «Իրազեկ քաղաքացիների միավորում» հասարակական կազմակերպությունը։ Դեսպանի համաձայն՝ լրագրողները խորհրդարանական ընտրությունների նախօրեին ընտրակաշառք բաժանելու դեպքեր բացահայտեցին։ «Մարդիկ խայտառակ դեպքեր են արձանագրել, երբ մասնավոր ընկերության աշխատակիցներն արժանացել են կոպիտ, անքաղաքակիրթ վերաբերմունքի։ Դա անընդունելի երեւույթ է։ Անհրաժեշտ է քննություն անցկացնել, մեղավորները պետք է պատժվեն»,-ընդգծեց Սվիտալսկին՝ հույս հայտնելով, որ նման երեւույթները վերացնելու համար մեծ ջանքեր կգործադրվեն։
«Ես քաղաքացիական հասարակության ապատիայի, լեթարգիայի մասին շատ պատմություններ եմ կարդացել։ Ես չեմ ցանկանում այդ պատմություններին միջամտել, որովհետւ ինձ հայ հասարակության մասնագետ չեմ համարում։ Բայց ես, համենայն դեպս, լավատես եմ Հայաստանի ապագայի հարցում։ Գիտեմ, որ դա դյուրին չէ։ Բայց ես վստահ եմ, որ Հայաստանում կլինի ժողովրդավարության եւ ընտրությունների արդյունավետ գործող համակարգ»,-ամփոփեց Հայաստանում ԵՄ պատվիրակության ղեկավարը։
Հիշեցնենք, որ «Իրազեկ քաղաքացիների միությունը», որն ընտրություններին դիտորդական առաքելություն կիրականացնի, հօգուտ իշխանության վարչական ռեսուրսների շատ օգտագործումներ է արձանագրել։ Մասնավորապես՝ ավելի քան 100 դպրոցների եւ մանկապարտեզների տնօրեններ հատուկ ցուցակներ են կազմել հօգուտ ՀՀԿ-ի։