Հրաձգության հետեւանքով զոհերի թիվն աճել է մինչեւ 17 մարդ
Կանադայի Նոր Շոտլանդիայի նահանգում հաձգության զոհերի թիվն աճել է մինչև 17 մարդ, հայտնում է ՏԱՍՍ-ը: Ըստ ազգային ոստիկանության կոմիսար Բրենդա Լաքիի, զոհերի թվում է նաեւ ինքը` հրաձիգը: Նա հավելել է, որ զոհերի թիվը կարող է աճել, հետաքննությունը շարունակվում է: Ավելի վաղ հեռուստաալիքը հայտնել էր տեղի ունեցածի հետեւանքով 13 զոհի մասին:
Այս պահին հայտնի է, որ 51-ամյա Գաբրիել Ուորթմանը կիրակի գիշերը Պորտալիկ քաղաքում կրակ է բացել մարդկանց ուղղությամբ, այնուհետեւ` Պորտալիկից 50 կմ շառավղով մի շարք այլ բնակավայրերում: Հանցագործին կալանավորելու օպերացիայի արդյունքում, որը տեւել է 12 ժամ, զոհվել է ոստիկանության մի աշխատակցուհի, եւս մի ոստիկան վիրավորվել է: Հաղորդվել է, որ Ուորթմանը ոստիկանական համազգեստով է եղել եւ տեղաշարժվել է պարեկային ավտոմեքենայով, բայց իրավապահ մարմինների աշխատակից չէ:
Ի սկզբանե ոստիկանությունում հայտնել էին, որ հանցագործը ձերբակալվել է, սակայն ավելի ուշ հաղորդվեց, որ նա սպանվել է Էնֆիլդ քաղաքում իրավապահների հետ տեղի ունեցած փոխհրաձգության ժամանակ:
Ուորթմանի գործողությունների դրդապատճառները դեռ հայտնի չեն: Ոստիկանությունում հայտնել են, որ նա ծանոթ էր զոհերից մի քանիսի հետ:
Կանադայի վարչապետ Ջասթին Թրյուդոն ցավակցություն է հայտնել զոհերի ընտանիքներին եւ ընկերներին:
Մահացել է ՀՀ վաստակավոր արտիստ Արտաշես Ալեքսանյանը
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կարծում եմ, որ այս հակամարտությունը կարող է լուծվել. Թրամփ
Շատ եմ ցանկանում, որ չեմպիոն դառնա ֆուտբոլ խաղացող հավաքականը