Թրամփը հայտնել է, որ կառավարությունը հետաքննում է կորոնավիրուսի առաջացումը
ԱՄՆ նախագահ Դոնալդ Թրամփն ուրբաթ հայտարարել է, որ դաշնային կառավարությունը հետաքննություն է սկսել, թե արդյո՞ք նոր տեսակի կորոնավիրուսը տարածվել է Ուհանի լաբորատորիայից, հայտնում է Fox News-ը:
ԱՄՆ նախագահը խոստացել է, որ երկրի կառավարությունը կպարզի, թե համավարակն ինչպես է առաջացել:
Ի պատասխան այն վարկածի հավաստիության մասին հարցին, որ կորոնավիրուսը մշակվել է Ուհանի լաբորատորիայում, այլ ոչ թե բռնկվել ծովամթերքի շուկայում, Թրամփը հասկացրել է, որ ԱՄՆ-ն այս հարցին ամենայն լրջությամբ է վերաբերվում, նշում է հեռուստաալիքը:
«Մենք դա քննում ենք: Բազմաթիվ մարդիկ են դա քննում: Դա ողջամիտ է թվում»,- լրագրողներին ասել է Թրամփը:
«Մեծ թվով հետաքննություններ են կատարվում, եւ մենք պատրաստվում ենք դա պարզել»,- շեշտել է Թրամփը:
ԱՄՆ նախագահը հավելել է, որ գլոբալ համավարակը հնարավոր կլիներ կանխարգելել, եթե Չինաստանն ավելի վաղ սկսեր գործել:
«Ամենը, ինչ կարող եմ ասել, որտեղից էլ դա եկած լիներ, եկել է Չինաստանից՝ ինչ ձեւով էլ լինի, դրա պատճառով տուժել է 184 երկիր: Եվ սա չափազանց վատ է, այդպես չէ՞: Դա շատ հեշտ կլուծվեր, երբ ամեն ինչ նոր էր սկսվել»,- ասել է ԱՄՆ նախագահը:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գայի պողոտայում գտնվող առևտրի կենտրոններից մեկում հրդեհ է բռնկվել
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Խամենեիի գտնվելու վայրը գաղտնի է պահվում՝ անվտանգությունից ելնելով
Գազամատակարարման վթարային դադարեցում Երևանի մի շարք հասցեներում
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը