Ասանժը երկու երեխա է ունեցել Լոնդոնում Էկվադորի դեսպանատանը ապաստանելու ընթացքում․ ԶԼՄ-ներ

WikiLeaks-ի հիմնադիր Ջուլիան Ասանժը դարձել է երկու երեխաների հայր Լոնդոնում Էկվադորի դեսպանատանը թաքնվելու ընթացքում, հաղորդում է Daily Mail-ը։

Ասանժն ունեցել է երկու որդի․ այժմ Գաբրիելը 2 տարեկան է, իսկ Մաքսը՝ 1:

Ասանժի երկու երեխաների մայրը 37-ամյա փաստաբան Ստելա Մորիսն է, որը ծնվել է ՀԱՀ-ում։

Նա սիրահարվել էր WikiLeaks-ի հիմնադրին դեռեւս հինգ տարի առաջ, երբ զբաղվում էր Ասանժին արտահանձնելու հարցերով։

Զույգը նշանված է 2017 թվականից։

Հիշեցնենք, որ 48-ամյա Ասանժին սպառնում է արտահանձնում դեպի ԱՄՆ, որտեղ նա մեղադրվում է լրտեսության մեջ։ Ասանժը հետախուզվում է նաեւ Շվեդիայում, որտեղ նրան մեղադրանք է առաջադրվել բռնաբարության համար։