Մահացել է Քլինթոն-Լևինսկի սիրային կապը բացահայտած Սպիտակ տան նախկին աշխատակցուհին
Սպիտակ տան և Պենտագոնի նախկին աշխատակցուհի Լինդա Թրիպը, որը բացահայտել էր ԱՄՆ նախկին նախագահ Բիլ Քլինթոնի և Մոնիկա Լևինսկիի սիրային կապը, մահացել է: Այս մասին տեղեկացնում է New York Post պարբերականը` հղում տալով Թրիպի փեսա Թոմաս Ֆոուլիին:
Ֆոուլին հստակեցրել է, որ 70-ամյա Թրիպը մահացել է հիվանդությունից, որը կապված չէ կորոնավիրուսի հետ:
Նշվում է, որ Թրիպը մտերիմ էր Լևինսկիի հետ, վերջինս էլ հեռախոսազրույցի ժամանակ խոստովանել էր նրան, որ Սպիտակ տանը փորձաշրջանի ընթացքում սիրային կապ է հաստատել Քլինթոնի հետ: Թրիպը սկսել է ձայնագրել նրանց խոսակցությունները և հետագայում ձայնագրությունները փոխանցել էր իրավաբան Քենեթ Սթարին, որն էլ, իր հերթին, նախագահին դրա հիմքով մեղադրել էր սուտ վկայություն տալու համար:
Դեմոկրատական կուսակցությունը ներկայացնող Քլինթոնը ԱՄՆ նախագահն է եղել 1993-2003 թվականներին: Մոնիկա Լևինսկիի հետ կապված սկանդալը թեժացել էր 1998 թվականին, երբ նրանց կապի մանրամասնությունները հայտնվել էին մամուլում, ինչն էլ դարձել էր պաշտոնանկության ընթացակարգի սկսվելու պատճառ: Ի վերջո պաշտոնանկության ընթացակարգը չի ընդունվել և Քլինթոնը շարունակել է պաշտոնավարել:
Մահացել է ՀՀ վաստակավոր արտիստ Արտաշես Ալեքսանյանը
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ուկրաինան հարվածել է Ռուսաստանի վերջին խոշոր նավթավերամշակման գործարանին
Կասեցվել է Վանաձորի գազալցակայաններից մեկի հեղուկ գազի վաճառքը
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կարծում եմ, որ այս հակամարտությունը կարող է լուծվել. Թրամփ
Շատ եմ ցանկանում, որ չեմպիոն դառնա ֆուտբոլ խաղացող հավաքականը