Կադիրովը հրաժարվել է Միշուստինի հրամանով բացել Չեչնիայի սահմանները
Չեչնիայի Հանրապետության նախագահ Ռամզան Կադիրովն իր Telegram ալիքում պատասխանել է ՌԴ վարչապետ Միխայիլ Միշուստինի՝ մարզերի միջև տեղաշարժի սահմանափակումները վերացնելու մասին պահանջին։ Նրա խոսքով՝ Չեչնիայում բեռների և տարանցիկ տրանսպորտի համար սահմանները երբեք չեն փակվել, սակայն այլ մարզերի բնակիչների մուտքը Չեչնիայի Հանրապետություն արգելված է լինելու։
Կադիրովի խոսքով՝ Չեչնիյաում արդեն գրանցվել է «բացասական փորձ», երբ վերջերս Մոսկվայից ժամանած ուղևորներից մեկի մոտ կորոնավիրուս է հայտնաբերվել։
«Իհարկե, մենք գրանցում չունեցող մարդկանց Չեչնիայի Հանրապետություն չենք թողնի։ Արդեն բացասական փորձ ունենք։ Վարակը բերեցին, տասնյակ մարդիկ հիվանդացան, մի կին մահացավ»,- գրել է նա։
Ապրիլի երկուսին Ռուսաստանի նախագահ Վլադիմիր Պուտինի հրամանով՝ մարզերի ղեկավարները հավելյալ լիազորություներ են ստացել կորոնավիրուսի դեմ պայքարի համար։ Օրինակ՝ մարզպետները կարող են իրենց մարզում սահմանափակել քաղաքացիների և տրանսպորտի տեղաշարժը։
Միևնույն ժամանակ սահմանափակումներ չեն գործի միջմարզային փոխադրումներ իրականացնող տրանսպորտի համար։
Կադիրովը սահմանները փակելու մասին հայտարարել էր ապրիլի 1-ին ՝ կոչ անելով բոլոր բնակիչներին մինչև ապրիլի հինգը վերադառնալ հայրենիք։ Հաջորդ օրը ՌԴ կառավարության նիստի ժամանակ Միշուստինը հայտարարել էր, որ մարզային սահմանների փակումն անթույլատրելի է։ Նա կոչ էր արել մարզային լիազորությունները չշփոթել դաշնայինի հետ, ինչպես նաև ընդգծել էր, որ միջոցառումները պետք է «իրավիճակին ադեկվատ» կերպով համապատասխանեն։
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...
Ռուսաստանում կոնյակի արտադրությունը հունիսին էական նվազել է