Որ մասնագիտությունները կարող են կորցնել պահանջարկը
Տուրիզմի, ինչպես նաեւ ֆիտնեսի, նորաձեւության, դիմահարդարման եւ ստացիոնար հանրային սննդի ոլորտի աշխատակիցները կարող են հայտնվել ռիսկի գոտում եւ կորցնել պահանջարկը կորոնավիրուսի պանդեմիայից հետո։ Այդ եզրահանգմանն են եկել Առաջադեմ կրթության ինստիտուտի մասնագետներն իրենց հետազոտության մեջ, որի հետ ծանոթացել են RT-ը։
Վերլուծաբանների կարծիքով՝ ռիսկի գոտում նախ կհայտնվեն զբոսաշրջային գործակալներն ու էքսկուրսավարները․ տեղաշարժի սահմանափակումների պատճառով նրանք ստիպված են ընդհատել աշխատանքը։
Ընդ որում՝ միջազգային եւ ներքին հաղորդակցության դադարեցումն արդեն հանգեցրել է նրան, որ մի շարք ավիաընկերություններ հայտնվել են սնանկության շեմին։ Այդ իրավիճակը կարող է հանգեցնել շուկայում մի շարք փորձառու պրոֆեսիոնալների ի հայտ գալուն, ինչն ինքնին կնպաստի մրցունակության մակարդակի բարձրացմանը։
Ինստիտուտի մասնագետների կարծիքով՝ այդպիսի իրավիճակ կարող է ստեղծվել ֆիտնեսի ոլորտում, երբ բազմաթիվ ֆիտնես-կենտրոններ չկարողանան վերադարձնել հաճախորդներին լրիվ ծավալով, իսկ բազմաթիվ փորձառու մարզիչներ ստիպված կլինեն փնտրել նոր աշխատանք։ Այդ դեպքում երիտասարդ մասնագետները կդառնան անմրցունակ։
Ինչպես համարում են հետազոտության հեղինակները, իշխանությունների կողմից ձեռնարկվող կորոնավիրուսի դեմ միջոցները կզարգացնեն աշխատանքային գործընթացի ավտոմատացման եւ թվայնացման հնարավորությունը։ Զարգանում են նաեւ առցանց ծառայությունները, ինչի հետեւանքով հարվածի տակ կարող են հայտնվել այնպիսի մասնագետները, ինչպես վերլուծաբանները, իրավաբանական խորհրդատուները, բանկերի մենեջերները, դեղագործները, անշարժ գույքի գործակալները, event-մենեջերները, թարգմանիչները, ուսուցիչներն ու կրկնուսույցները։
Ռիսկի գոտում կարող են հայտնվել նաեւ տպագրության աշխատակիցները, քանի որ օպտիմիզացիայի նպատակով փոքր եւ միջին բիզնեսի ձեռնարկությունները անցում կկատարեն էլեկտրոնային պրոդուկտների կիրառմանը։
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...
Շատ եմ ցանկանում, որ չեմպիոն դառնա ֆուտբոլ խաղացող հավաքականը