ՆԱՏՕ-ն դաշինքի բարեփոխումների փորձագիտական խումբ է ստեղծել
ՆԱՏՕ-ի վերաբերյալ Ֆրանսիայի նախագահ Էմանուել Մակրոնի կտրուկ քննադատությունից հետո դաշինքը ստեղծել է 10 մարդուց բաղկացած փորձագիտական խումբ՝ ՆԱՏՕ-ի բարեփոխումների շուրջ առաջարկությունների մշակման համար։ Խումբը ղեկավարում են ԳԴՀ ԱԳՆ նախկին ղեկավար Թոմաս դե Մեզյերը եւ ամերիկյան նախկին դիվանագետ Ուես Միթչելը, հայտել է ՆԱՏՕ-ի գլխավոր քարտուղար Յենս Սթոլթենբերգը, տեղեկացնում է DW-ն։
Մակրոնը նոյեմբերի սկզբին հարցազրույցներից մեկի ժամանակ խոսել էր ՆԱՏՕ-ի «գլխուղեղի մահվան» մասին։ Մի շարք այլ բաների թվում նա քննադատել էր ԱՄՆ-ի եւ եվրոպական պետությունների միջեւ թույլ համակարգումը եւ ՆԱՏՕ-ի անդամ Թուրքիայի «ագրեսիվ գործողությունները» Սիրիայի հյուսիսային մասում։ Դրանից հետո ԳԴՀ ԱԳՆ ղեկավար Խայկո Մաասը առաջարկել էր դաշինքի բարեփոխումների հարցերով փորձագիտական խումբ ստեղծել։ ՆԱՏՕ-ի գագաթաժողովի մասնակիցները դեկտեմբերին Մեծ Բրիտանիայում հավանություն էին տվել այդ առաջարկին։
Փորձագետները պետք է մինչեւ ՆԱՏՕ-ի հաջորդ գագաթաժողովը, որը տեղի կունենա եկող տարվա սկզբին, դաշինքի բարեփոխումների խորհրդատվություններ պատրաստեն։ Իրենց առաջարկությունները նրանք կշարադրեն Սթոլթենբերգին տրվող զեկույցում։ Փորձագետներին հանձնարարվել է առաջարկություններ ներկայացնել դաշինքի միասնականության ամրապնդման, քաղաքական խորհրդատվությունների ընդլայնման եւ գործընկեր-երկրների միջեւ համակարգման, ինչպես նաեւ ՆԱՏՕ-ի քաղաքական դերի ուժեղացման մասին։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գայի պողոտայում գտնվող առևտրի կենտրոններից մեկում հրդեհ է բռնկվել
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Խամենեիի գտնվելու վայրը գաղտնի է պահվում՝ անվտանգությունից ելնելով
Գազամատակարարման վթարային դադարեցում Երևանի մի շարք հասցեներում
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը