Լուկաշենկոն ու Փաշինյանը քննարկել են ներմուծվող գազի գնի հարցը՝ նշելով, որ այն բարձր է և չի համապատասխանում համաշխարհային մակարդակին
Այսօր` մարտի 31-ին, հայկական կողմի նախաձեռնությամբ հեռախոսազրույց է տեղի ունեցել Հայաստանի վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի միջև: Այս մասին տեղեկացնում է belta.by կայքը` հղում անելով Բելառուսի նախագահի մամուլի ծառայությանը:
Ալեքսանդր Լուկաշենկոն և Նիկոլ Փաշինյանը քննարկել են ներկայիս դժվարին պայմաններում տնտեսության գործունեությունը` նշելով առկա լուրջ խնդիրներն ու դժվարությունները:
Կողմերը կարծիքներ են փոխանակել ածխաջրածինների գների վերաբերյալ, որոնք և՛ Բելառուսը, և՛ Հայաստանը ներկրում են Ռուսաստանից: Ալեքսանդր Լուկաշենկոն ու Նիկոլ Փաշինյանն ընդգծել են բնական գազի գնի բարձր մակարդակը` նշելով, որ այն չի համապատասխանում համաշխարհային մակարդակին և ընդհանուր ստեղծված իրավիճակին:
Խոսակցության առանձին թեմա է եղել առողջապահության համակարգերի գործունեության և սեզոնային սուր վարակներին հակազդելու հարցը:
Կապված ստեղծված իրավիճակի հետ՝ Բելառուսի նախագահն ու Հայաստանի վարչապետը քննարկել են ԵԱՏՄ առաջնորդների հանդիպման հնարավորությունը` քննարկելու համար ստեղծված տնտեսական մարտահրավերները: Նման հանդիպում անցկացնելու նախաձեռնությամբ հանդես է եկել Ալեքսանդր Լուկաշենկոն` որպես ԵԱՏՄ-ում նախագահող երկրի ղեկավար: Կողմերի համաձայնության գալու դեպքում Բելառուսը կառաջարկի հանդիպումը կազմակերպել նեղ շրջանակում՝ ապահովելով պատվիրակությունների յուրաքանչյուր անդամի առողջությունը: Նման հանդիպմանն այլընտրանք, ըստ բելառուսական կողմի, կարող է հանդիսանալ ԵԱՏՄ անդամ երկրների ղեկավարների մասնակցությամբ տեսակոնֆերանսը:
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Մահացել է ՀՀ վաստակավոր արտիստ Արտաշես Ալեքսանյանը
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Ռուսաստանում կոնյակի արտադրությունը հունիսին էական նվազել է
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...