Դիմակներն իզուր էլ գնել էիք՝ կարող եք դեն նետել
Առողջապահության համաշխարհային կազմակերպության ներկայացուցիչները երկուշաբթի հայտարարել են, որ մարդկանց խորհուրդ չեն տալիս մեկանգամյա օգտագործման բժշկական դիմակներ կրել, եթե նրանք նոր տեսակի կորոնավիրուսի վարակակիր չեն կամ չեն խնամում կորոնավիրուսով հիվանդի, գրում է BBC-ն։
«Ոչ մի կոնկրետ ապացույց չկա, որ բնակչության կողմից դիմակների օգտագործումն արդյունավետ է »- ասել Է ԱՀԿ առողջապահական արտակարգ իրավիճակների ծրագրի գործադիր տնօրեն Մայք Ռայանը Շվեյցարիայում կայացած ճեպազրույցի ժամանակ:
«Կա նաև մի խնդիր, այն է՝ աշխարհում բժշկական պարագաների զգալի պակաս։ Ներկայում այս վիրուսով վարակվելու առավել խոցելի խումբն առաջնագծում աշխատող բուժաշխատողներն են, որոնք ամեն օր ենթարկվում են վարակի ազդեցությանը։ Այն միտքը, որ նրանք կարող են դիմակներ չունենալ, սարսափելի է»,- ասել է Ռայանը։
ԱՀԿ վարակիչ հիվանդությունների համաճարակաբան Մարիա վան Կերխովն, իր հերթին, հայտարարել է, որ կարևոր է առաջնահերթ ուշադրություն դարձնել, թե ում են տրամադրվում դիմակները։
«Մենք խորհուրդ չենք տալիս դիմակներ կրել, եթե ինքներդ հիվանդ չեք և չեք փորձում այդպիսով կանխել վարակի հետագա տարածումը», - ասել է Վան Կերխովը:
«Մենք պետք է հստակեցնենք իրավիճակը։ Աշխարհը բժշկական պաշտպանական միջոցների, այդ թվում՝ դիմակների, ձեռնոցների, բժշկական հանդերձների, զգալի պակասի շեմին է: Մեր բուժաշխատողների պաշտպանությունն անհրաժեշտ բժշկական պաշտպանական միջոցների տրամադրման առումով պետք է առաջնային լինի»,- ասել է Վան Կերխովը:
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Մահացել է ՀՀ վաստակավոր արտիստ Արտաշես Ալեքսանյանը
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Ռուսաստանում կոնյակի արտադրությունը հունիսին էական նվազել է
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...