Պոզները հանդես է եկել ուղերձով

Հեռուստահաղորդավար Վլադիմիր Պոզները կոչ է արել ռուսներին տանը մնալ:

«Ես նկարում եմ այս տեսանյութը, քանի որ մտահոգվում եմ, որ աշխատանքից ազատ շաբաթը շատերի կողմից կընկալվի որպես տոնախմբությունների ազդանշան: Ես կոչ եմ անում ձեզ չվարվել այդպես»,-հայտարարել է Պոզներն իր YouTube-ալիքում հրապարակած տեսահոլովակում, հաղորդում է ՌԻԱ Նովոստի-ն:

Լրագրողը պատմել է, որ գրեթե ամբողջ օրն անցկացնում է տանը եւ միայն շաբաթը մեկ անգամ մեկնում է Օստանկինո հաղորդման նկարահանումների համար:

Նա անվանել է ստեղծված իրավիճակը բարդ, իսկ կորոնավիրուսը՝ կյանքի համար իրական սպառնալիք:

«Երբ մենք հաղթահարենք այս իրավիճակը, իսկ մենք, իհարկե, կհաղթահարենք այն, կհիշենք, որ «Մենք դա արել ենք նաեւ իմ շնորհիվ, շնորհիվ նրան, որ ես պատասխանատու եւ խելացի եմ վարվել, ոչ թե ինչպես անզգույշ, իրավիճակից չհասկացող մարդ»,-ամփոփել է Պոզները:

Մարտի 11-ին Առողջապահության համաշխարհային կազմակերպությունը հայտարարել է COVID-19 նոր կորոնավիրուսային վարակի բռնկումը որպես համավարակ: ԱՀԿ վերջին տվյալներով՝ աշխարհում արդեն վարակված է ավելի քան 465 հազար մարդ, մահացել է ավելի քան 21 հազար մարդ:

Ռուսաստանում գրանցվել է հիվանդության 1036 դեպք, 45 մարդ բուժվել է, 3-ը՝ մահացել: