Լյորիսի հրեշավոր սխալը դարձավ ֆրանսիացիների պարտության պատճառ

Ֆուտբոլի աշխարհի առաջնության ընտրական փուլում A, B, H խմբերում կայացան հերթական տուրի հանդիպումները:

A խմբում առավել մեծ հետաքրքրություն էր ներկայացնում Շվեդիա-Ֆրանսիա հանդիպումը: Թիմերը բավական զգուշությամբ էին գործում, հատկապես դաշտի տերերը: Այսուհանդերձ, 37-րդ րոպեին Ժիրուն բացեց հաշիվը, բայց մի քանի րոպե անց Դուրմազը հավասարեցրեց հաշիվը:

Երկրորդ խաղակեսում թիմերն առավել մեծ զգուշությամբ էին գործում: Խաղը գնում էր տրամաբանական ոչ-ոքիին, երբ հանդիպման վերջին վարկյաններին Ֆրանսիայի հավաքականի ավագը՝ դարպասապահ Լյորիսը չգիտես ինչու իրեն դրեց պաշտպանի եւ կիսապաշտպանի տեղ, առաջ շարժվեց, սխալ փոխանցում կատարեց եւ Տոյվոնենը դաշտի կենտրոնից հաշիվը դարձրեց 2:1: Սա շատ վատ նորություն էր Նիդերլանդների հավաքականի համար, որոնք այսօր 5:0 հաշվով հաղթեցին Լյուքսեմբուրգին եւ շարունակում են հետապնդել առաջատարներին:

Այս խաղի մյուս խաղում Բելառուսը 2:1 հաշվով հաղթեց Բուլղարիային:

Շվեդիան եւ Ֆրանսիան ունեն 13-ական միավոր, իսկ Նիդերլանդները՝ 10:

B խմբում Անդորրան անակնկալ հաղթանակ տարավ Հունգարիայի նկատմամբ 1:0 հաշվով: , իսկ Պորտուգալիան Ռիգայում 3:0 հաշվով հաղթեց Լատվիային: Երկու գոլի եւ մեկ գոլային փոխանցման հեղինակ դարձավ Ռոնալդուն: Ֆարերներն էլ տանը 2:0 հաշվով զիջեցին Շվեյցարիային:

Շվեյցաքրիան ունի 18, իսկ Պորտուգալիան՝ 15 միավոր:

H խմբում Բոսնիա եւ Հերցեգովինան 0:0 խաղաց Հունաստանի հետ, Բելգիան 2:0 հաշվով Էստոնիայում հաղթեց տեղի հավաքականին, իսկ Ջիբրալթարը 2:1 հաշվով զիջեց Կիպրոսին:

Բելգիան 16 միավորով առաջինն է, Հունաստանն ունի 12, իսկ Բոսնիան՝ 11 միավոր:

Top-News.am