Բոլիվիայում մարմնավաճառները վրդովված են պարետային ժամի սահմանմամբ

Բոլիվիայում մարմնավաճառները վրդովված են կորոնավիրուսի բռնկմամբ պայմանավորված պարետային ժամի սահմանմամբ՝ հայտարարելով, որ խաղասեղանին են դրված իրենց գոյատեւման առանց այն էլ անհուսալի միջոցները, փոխանցում է Reuters-ը:

Մերձմայրաքաղաքային Էլ Ալտոյի արվարձաններում ավելի քան 50 լիցենզավորված բորդելներ ստիպված էին փակվել այն բանից հետո, երբ Բոլիվիայի կառավարությունը պարետային ժամ մտցրեց՝ երեկոյան 5-ից մինչեւ առավոտյան 5-ը: Երկրում սահմանվել է մեկուսացման 14-օրյա ռեժիմ, ձեռնարկությունների մեծ մասը փակ է:

Երկրի առողջապահության նախարարությունը հայտարարել է, որ Բոլիվիայում, որը Հյուսիսային եւ Հարավային Ամերիկաների ամենաաղքատ երկրներից մեկն է, գրանցվել է կորոնավիրուսով հիվանդանալու 24 հաստատված դեպք:

Բոլիվիայի սեքս ոլորտի աշխատակիցների պրոֆմիության նախագահ Լիլի Կորտեսն ասել է, որ եթե բորդելները չկարողանան գործել, «սեքս բիզնեսի աշխատակիցները, ցավոք, աշխատանքի դուրս կգան փողոցներ, եւ արդյունքն ավելի վատթար կլինի»: