Ավստրիան Երկրորդ համաշխարհային պատերազմից հետո առաջին անգամ մոբիլիզացնում է զինվորական պահեստայիններին

Ավստրիան Երկրորդ համաշխարհային պատերազմից հետո առաջին անգամ մոբիլիզացնում է զինվորական պահեստայիններին, կոչ անելով նրանց պայքարել կորոնավիրուսի բռնկման դեմ՝ սննդամթերքի մատակարարումներին օգնելու, բորժաշխատողներով ապահովելու միջոցով, հայտնում է Reuters-ը։

Ավստրիայում, ի տարբերություն Գերմանիայի կամ Ֆրանսիայի, դեռեւս կա պարտադիր զինվորական ծառայություն։ Երիտասարդները 18 տարեկանից պետք է վեց ամիս ծառայեն բանակում կամ ինը ամիս քաղաքացիական ծառայություն տանեն։

Մոտ 3000 զինվորներ, պահեստայինների 10 տոկոսը, երեք ամիս կկատարեն կորոնավիրուսի հետ կապված առաջադրանքներ, մամուլի ասուլիսում հայտնել է Ավստրիայի պաշտպանության նախարար Կլաուդիա Տաները։

Այսօրվա դրությամբ Ավստրիայում գրանցված է կորոնավիրուսով վարակման մոտ 4000 դեպք, որից 21-ը՝ մահվան ելքով։

Արեւմտյան Տիրոլի տարածաշրջանում, այդ թվում՝ Իշգլում եւ Սանկտ Անտոնում հանրահայտ լեռնադահուկային շրջանները դարձել են Եվրոպայում վիրուսի տարածման թեժ կետեր, ինչը հանգեցրել է անցյալ շաբաթ շրջանի ամբողջական արգելափակմանը։

Տեղական եւ միջազգային ԶԼՄ-ները քննադատության են ենթարկել շրջանային իշխանություններին՝ հայտարարելով, որ նրանք բավական ուշ արձագանքեցին կորոնավիրուսի բռնկմանը եւ ժամանակին չնախազգուշացրեցին զբոսաշրջիկներին։