«Երկրի Ժամը» կորոնավիրուսի պատճառով չի չեղարկվի

Ռուսաստանի վայրի բնության համաշխարհային հիմնադրամը (WWF) մտադիր չէ կորոնավիրուսի պատճառով չեղարկել «Երկրի Ժամը»: Ակցիան տեղի կունենա մարտի 28-ին, հաղորդում է ՌԻԱ նովոստին:

«Այժմ շատ կարեւոր է իմանալ, որ մենք միասին ենք, եւ յուրաքանչյուրը կարող է մեր բնության պահպանման համար շարժման մի մասը դառնալ: Մենք մեր աջակիցներին եւ բոլոր նրանց, ովքեր անտարբեր չեն մեր մոլորակի նկատմամբ, կոչ ենք անում միանալ ակցիային, նույնիսկ եթե ստիպված են տանը մնալ»,- ասել է հիմնադրամի տնօրեն Յուրի Սոչնեւը:

«Մոլորակի ժամը» համաշխարհային ակցիա է, որի ընթացքում WWFն կոչ է անում անջատել լույսերն ու խնայել էլեկտրականությունը մեկ ժամով՝ ի նշան նրա, որ մարդիկ անտարբեր չեն մոլորակի ապագայի հանդեպ: 2019-ին ակցիային մասնակցել է 188 երկրներից ավելի քան 2 մլրդ մարդ: Լույսերն անջատել են ամբողջ աշխարհում մոտ 18 հազար շենքեր եւ շինություններ: