Բրիտանական բանակը վերգետնյա ռոբոտներ կունենա

Բրիտանական բանակը վերգետնյա ռոբոտներ կունենա։ Այս մասին գրում է Janes-ը՝ հղում կատարելով Horiba Mira եւ QinetiQ ընկերություններին, որոնք պայմանագրեր են կնքել Մեծ Բրիտանիայի պաշտպանության նախարարության հետ։

Հինգ վերգետնյա ռոբոտներ, որոնց պետք է ստեղծեն Horiba Mira-ն եւ QinetiQ-ը, կօգտագործվեն զինվորականների կողմից՝ Theseus հետազոտական առաքելության շրջանակներում։ Այս նախագծի հիմնական նպատակը ռոբոտների եւ բանակի փոխգործակցության հնարավորությունն է, ինչպես նաեւ այն սցենարների մշակումը, որոնցում զինվորականները կկարողանան օգտագործել այդպիսի ռոբոտացված համակարգեր։

Պայմանագրի պայմանները, դրա ժամկետները եւ արժեքը դեռեւս չեն բացահայտվում, տեղեկացնում է HighTech-ը։

Horiba Mira ընկերությունը կստեղծի երեք անվային Viking ռոբոտ, որոնք կկարողանան 50կմ/ժ արագությամբ մինչեւ 800 կգ բեռ տեղափոխել։ Ընդ որում, ռոբոտը հագեցած է հիբրիդային սարքով, այդ պատճառով կունենա տեղաշարժի մի քանի ռեժիմներ։ Բացի այդ, Viking-ի վրա կարելի է մարտ վարելու կամ հետախուզական առաքելություն կատարելու համակարգ տեղադրել։