Անկում համաշխարհային շուկաներում

Նավթի գներն անկում են ապրում ՕՊԵԿ գործարքի փլուզման ֆոնին: Համաձայնագիրը կդադարի գործել ապրիլի 1-ից, եւ արտադրող երկրներն առանց սահմանափակումների կկարողանան մեծացնել նավթի արտահանումը: Ռուբլին գինն ընկել է գրեթե 5%-ով՝ մինչեւ մեկ դոլարի դիմաց 73 ռուբլի, գրում է ՌԲԿ-ը:

Ի՞նչ է տեղի ունեցել

Մարտի 9-ին Brent տեսակի հյուսիսծովային նավթի գներն ընկել են ավելի քան 27%-ով՝ նվազելով մեկ բարելի դիմաց 32 դոլարից ցածր, WTI տեսակի նավթի գներն ընկել են մեկ բարելի դիմաց 30 դոլարից ցածր:

Brent տեսակի նավթի գինը սկսել է նվազել դեռ ուրբաթ՝ մարտի 6-ին, ՕՊԵԿ+-ի հանդիպումից հետո, որն անցած շաբաթ ավարտվել է Ռուսաստանի կողմից գործարքից դուրս գալով: Նավթի գների անկման ֆոնին միջազգային արժութային շուկայում բարձրացել են ամերիկյան եւ եվրոպական արժույթների գները, մեկ դոլարը 72 ռուբլու, եվրոն՝ 82 ռուբլու մակարդակով:

Forex-ում դոլարի գինը բարձրացել է 4,9%-ով՝ մինչեւ 73,07 ռուբլի:

Սակայն Մոսկվայի ժամանակով ժամը 09:30 ռուբլին մասնակի կորուստ է կրել՝ մեկ դոլարի դիմաց 72,49 ռուբլի, որից հետո Ռուսաստանի Բանկը հայտարարել է, որ չի գնի արժույթը առնվազն 30 օր՝ բյուջետային ձախողման ֆոնին:

Նավթի գների անկումն ու դոլարի եւ եվրոյի ամրապնդումն ազդել են ասիական ինդեքսների վրա: Հոնկոնգի Hang Seng ֆոնդային բորսայի ինդեքսը նվազել է 1064 կետով (4,07%)՝ մինչեւ 25071: Ինչպես նաեւ նվազել է Տոկիայի բորսայի Nikkei 225 ինդեքսը: Այն նվազել է 1196 կետով (5,77%)՝ մինչեւ 19553: Շանհայի ֆոնդային բորսում SSEC ինդեքսը նվազել է 2,11%-ով՝ մինչեւ 2970,75 կետ:

Սաուդյան Արաբիայի նավթային Saudi Aramco ընկերության ակցիաների գները ՕՊԵԿ համաձայնագրի տապալման ֆոնին մարտին 8-ին նվազել են 9,09%-ով՝ մինչեւ 30 ռիալ՝ մոտ 8 դոլար:

Ինչո՞ւ են նվազել գները

Համաշխարհային տնտեսությանը սպառնացող նոր կորոնավիրուսի բռնկման ֆոնին Վիեննայում մարտի 6-ին տեղի է ունեցել ՕՊԵԿ երկրների նավթի նախարարների նիստը: 2016 թվականից առաջին անգամ հանդիպման մասնակիցները չեն կարողացել պայմանավորվել նավթի արտահանման կրճատման հարցով պայմանների շուրջ, եւ համաձայնագիրը կդադարի գործել արդեն ապրիլի 1-ից:

Նիստի ժամանակ Ռուսաստանն ու Սաուդյան Արաբիան հակասական դիրքորոշումներ են զբաղեցրել: Մոսկվան հրաժարվել է արտահանման հավելյալ կրճատումից եւ առաջարկել երկարաձգել գործարքը, իսկ Էր Ռիադը հանդես է եկել մինչեւ տարեվերջ օրական եւս 1,5 մլն բարելով կրճատման օգտին:

Համաձայնագրի տապալման ֆոնին Սաուդյան Արաբիան հայտարարել է օրական ավելի քան 10 մլն բարելով արտահանման մեծացման պատրաստակամության մասին, իսկ անհրաժեշտության դեպքում՝ մինչեւ ռեկորդային 12 մլն, հաղորդում է Bloomberg-ը: Բացի այդ, Saudi Aramco-ն եւս որոշել է նվազենցել նավթի գները:

Ի՞նչ է լինելու հետագայում

Ամերիկյան ներդրումային Goldman Sachs բանկի վերլուծաբանները հայտարարել են, որ Brent տեսակի նավթի գները կարող են նվազել մինչեւ մեկ բարելի դիմաց 20 դոլար: Բացի այդ, նրանք ենթադրել են, որ Brent-ի արժեքը չի գերազանցի 30 դոլարը:

ՌԴ էներգետիկայի նախարար Ալեքսանդր Նովակի խոսքով՝ այժմ երկրում նավթի արտահանման ծավալների մեծացումը կախված է հայրենական ընկերությունների ծրագրերից: Նա նշել է, որ գործարքից դուրսբերումը կարող է Ռուսաստանին թույլ տալ մեծացնել արտահանումը՝ օրական 0,3 մլն բարելով:

ԼՈՒԿՕՅԼ-ի համասեփականատեր Լեոնիդ Ֆեդունի կանխատեսմամբ՝ գործարքի տապալման պատճառով Ռուսաստանն ամեն օր կկորցնի 100-15 մլն դոլար:

Ինչպես Twitter-ում գրել է Այժմ շուկայում Rapidan Energy քոնսալթինգային ընկերության հիմնադիր Բոբ Մքնելին, վերջին անգամ նման «սարսափելի համադրություն» է եղել 1930-ական թվականներին՝ Մեծ դեպրեսիայի ֆոնին, եւ այդ ժամանակ նավթի գները նվազել են մինչեւ մեկ բարելի դիմաց մեկ ցենտ: