Դատարանը հաստատել է, որ Դուբայի էմիրը կազմակերպել է իր սեփական երեխաների առեւանգումը. ԶԼՄ-ներ

Դուբայի էմիր, շեյխ Մուհամեդ բեն Ռաշիդ Ալ Մաքթումը պլանավորել էր իր երկու երեխաների առեւանգումը՝ համաձայն Մեծ Բրիտանիայի դատարանի, գրում է The Guardian-ը:

Շեյխի երեխաներից մեկին պետք է առեւանգեին Քեմբրիջի փողոցներից մեկում:

Բացի այդ, դատավարության փաստաթղթերում խոսվում էր «կրտսեր տիկնոջը»՝ արքայադուստր Հայա Բանթ ալ Հուսեյնին վախեցնելու մասին:

Դատարանը նկարագրել է շեյխ Մուհամեդի հնարավոր գործողությունները որպես անգլիական եւ միջազգային իրավունքը պոտենցիալ խախտող վարք:

Պարբերականը ներկայացրել է լսումների որոշ մանրամասներ, որոնց ընթացքում ասվում է ընտանեկան սագայի մասին 20 տարի տեւողությամբ, երբ Դուբայի 70-ամյա ղեկավարը կազմակերպել էր միջազգային մասշտաբի առեւանգումներ՝ բանտարկելով իր դստրերին՝ այդկերպ «զրկելով նրանց ազատությունից»:

Խոսքը վերաբերում է արքայադուստր Շամսին, որն անհետացել էր Քեմբրիջից 2000 թվականին 19 տարեկանում, եւ արքայադուստր Լատիֆային, որին ձերբակալել էր հնդկական բանակը Հնդկական օվկիանոսի ջրերում 2018 թվականին, երբ նա 32 տարեկան էր, եւ հարկադրաբար վերադարձրել Դուբայ:

Բացի այդ, արքայադուստր Լատիֆան նաեւ մեղադրել էր հորը խոշտանգումներ կատարելու մեջ:

Հիշեցնենք, որ ավելի վաղ Լոնդոնում սկսվել էին լսումներ Դուբայի շեյխ Մուհամեդ բեն Ռաշիդ Ալ Մաքթումի եւ նրա տիկնոջ՝ արքայադուստր Հայա Բանթ ալ Հուսեյնի ամուսնալուծության գործով: