Վատիկանում գրանցվել է կորոնավիրուսով վարակման առաջին դեպքը

Վատիկանում գրանցվել է նոր տեսակի կորոնավիրուսով վարակման առաջին դեպքը, հայտնում է «ՌԻԱ Նովոստի» գործակալությունը` հղում տալով Սուրբ Աթոռի մամուլի ծառայության ղեկավար Մատտեո Բրունիի հայտարարությանը:

Վատիկանի պաշտոնական ներկայացուցչի տվյալների համաձայն` հիվանդներից մեկի մոտ կորոնավիրուսի թեստը դրական արդյունք է ցույց տվել հինգշաբթի օրը:

«Այսօր առավոտյան ժամանակավորապես դադարեցվել են Վատիկան քաղաք-պետության սանիտարահիգիենիկ վարչության բոլոր ամբուլատոր ծառայությունները` երեկ հիվանդներից մեկի մոտ հայտնաբերված COVID-19 վիրուսից հետո շենքն ամբողջովին ախտահանելու նպատակով»,- հայտարարել է Բրունին:

Նա նաև նշել է, որ Վատիկանի բժշկա-սանիտարական ծառայություններն Իտալիայի համապատասխան մարմիններին անհրաժեշտ տեղեկություն կտրամադրեն վարակման նոր դեպք հայտնաբերելու մասին:

Բրունին հինգշաբթի լրագրողներին հայտնել էր, որ Վատիկանում COVID-19 կորոնավիրուսի տարածման կանխարգելման ուղղությամբ տարվելիք միջոցառումներ են ուսումնասիրվում, որոնք պետք է իրագործվեն իտալական իշխանությունների կողմից ընդունված միջոցառումների համապատասխան:

Դեռևս փետրվարի վերջին Սուրբ Աթոռի ներկայացուցիչը հայտնել էր, որ Իտալիայի բժշկական իշխանությունների ցուցումների համաձայն` մեծաքանակ այցելուներով փակ տարածությունում անցկացվելիք միջոցառումները չեղարկվել են: Հայտարարվել է նաև, որ Վատիկանում կորոնավիրուսով վարակման ախտանշաններ ունեցողներին անհապաղ բժշկական օգնություն ցուցաբերելու համար հերթապահ բժիշկ և բուժաշխատողներ են նշանակվել:

ԱՀԿ տվյալներով` աշխարհում հաստատվել է վարակման 95 333 դեպք, որից 80 565-ը` Չինաստանում և 14 768-ը` Չինաստանի սահմաններից դուրս 85 երկրում:

Ընդհանուր առմամբ, նոր կորոնավիրուսի հարուցիչով պայմանավորված հիվանդությունից Չինաստանում մահացել է 3015 (31 մարդ` մեկ օրում) և ամբողջ աշխարհում` 267 մարդ (53 մարդ` մեկ օրում):

Կորոնավիրուսի համաճարակի մասին Չինաստանի իշխանություններն ԱՀԿ-ին հայտնել էին դեկտեմբերի 31-ին: Հայտնի է, որ վիրուսը տարածվել է Հուբեյ նահանգի Ուհան քաղաքից:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը