Կորոնավիրուսի պատճառով Կալիֆոռնիայում արտակարգ դրություն են մտցրել

ԱՄՆ Կալիֆոռնիա նահանգում COVID-2019 կորոնավիրուսային ինֆեկցիայի տարածման պատճառով արտակարգ դրության ռեժիմ են մտցրել: Այս մասին հայտնել է նահանգապետ Գեւին Նյուսոմը, փոխանցում է Los Angeles Times-ը:

«Այս որոշումն ընդունվել է ոչ միայն մեկ մարդու ողբերգական մահվան պատճառով, այլ նաեւ ուրիշ հանգամանքների»,- պարզաբանել է նահանգապետը: Նա նշել է, որ այսպիսի միջոցառումները պայմանավորված են հիվանդության տարածման դեմ պայքարի դաշնային ռեսուրսներ ստանալու անհրաժեշտությամբ:

Նախօրեին՝ մարտի 4-ին, Փլեյսեր շրջանում (Կալիֆոռնիա նահանգ) գրանցվել էր կորոնավիրուսի հետեւանքով մահվան առաջին դեպքը: Հիվանդությունը հայտնաբերվել էր տարեց մարդու մոտ, որն առողջական խնդիրներ ուներ եւ կարող էր կորոնավիրուսով վարակվել փետրվարի 11-21-ը Սան Ֆրանցիսկոյի շրջանում զբոսանավում եղած ժամանակ:

ԱՄՆ-ում ավելի վաղ հիվանդության հետեւանքով մահացել էր 10 մարդ: Միացյալ Նահանգներում ընդհանուր հաստատվել է վարակման 80 դեպք:

Միացյալ Նահանգներում կորոնավիրուսի հետեւանքով առաջին պացիենտը մահացել էր փետրվարի 29-ին: Ինֆեկցիան հայտնաբերել էին 50-ն անց կնոջ մոտ, որը բնակվում էր Վաշինգտոն նահանգում:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը